Top
Sneha TV

టీఆర్ఎస్‌లో చేరిన రామగుండం ఎమ్మెల్యే

X

- కేటీఆర్ సమక్షంలో పార్టీలో చేరిన చందర్
- రామగుండం అభివృద్ధికి కలిసి పనిచేద్దామన్న కేటీఆర్
- సోమారపు సత్యనారాయణ సేవల్ని పార్టీకి ఉపయోగించుకుంటాం
రామగుండం ఎమ్మెల్యే కోరుకంటి చందర్ టీఆర్ఎస్‌లో చేరారు. సోమవారం సాయంత్రం తెలంగాణ భవన్‌లో.. టీఆర్ఎస్ వర్కింగ్ ప్రెసిడెంట్ కేటీఆర్ సమక్షంలో కారెక్కారు. చందర్‌కు గులాబీ కండువా కప్పి కేటీఆర్ పార్టీలోకి స్వాగతం పలికారు. ఎమ్మెల్యేతో పాటూ పలువురు అనుచరులు కూడా టీఆర్ఎస్ పార్టీ తీర్థం పుచ్చుకున్నారు. తిరిగి తన సొంత గూటికి రావడం ఆనందంగా ఉందన్నారు చందర్. కేసీఆర్ నాయకత్వంలో.. కేటీఆర్ బాటలో పార్టీ బలోపేతానికి కృషి చేస్తానన్నారు. చందర్ టీఆర్ఎస్‌ నాయకత్వాన్ని బలపరచడం శుభపరిణామన్నారు కేటీఆర్. రామగుండం అభివృద్ధికి అందరం కలిసి పనిచేద్దామని.. రామగుండంలో మెడికల్ కాలేజ్, మైనింగ్ కాలేజ్ ఏర్పాటు చేస్తానని సీఎం కేసీఆర్ హామీ ఇచ్చినట్లు తెలిపారు. పార్లమెంట్ ఎన్నికల్లో రామగుండం నుంచి లక్ష ఓట్లు టీఆర్ఎస్‌కు పడాలని పిలుపునిచ్చారు. ఇక మాజీ ఎమ్మెల్యే సోమారపు సత్యనారాయణ సేవలను పార్టీ వినియోగించుకుంటుందన్నారు.
కోరుకంటి చందర్ అసెంబ్లీ ఎన్నికల్లో టీఆర్ఎస్ టికెట్ ఆశించారు. కాని టికెట్ దక్కకపోవడంతో.. రామగుండం నుంచి ఫార్వార్డ్‌ బ్లాక్‌ అభ్యర్థిగా పోటీ చేశారు. టీఆర్ఎస్ అభ్యర్థి సోమారపు సత్యనారాయణపై.. చందర్ 26,090 ఓట్ల భారీ మెజార్టీతో గెలుపొందారు. తర్వాత కేటీఆర్‌ను కలిసి.. టీఆర్ఎస్‌కు మద్దతు ఇస్తున్నట్లు ప్రకటించారు. ఇప్పుడు పార్టీలో చేరారు.

Next Story
Share it