స్టార్ హీరోలు అప్పుడప్పుడు తమ సినిమాల కోసం సింగర్స్ గా మారుతుంటారు. చిరంజీవి, పవన్ కళ్యాణ్, జూనియర్ ఎన్టీఆర్ వంటి స్టార్స్ తమ సినిమాల్లో పాటలు పాడారు. ఆ లిస్టులో వెంకటేష్ కూడా ఉన్నారు. గతంలో తాను హీరోగా నటించిన ‘గురు’ సినిమాలో ‘జింగిడి జింగిడి’ సాంగ్ పాడారు వెంకీ మామ. ఇప్పుడు ఆయన మరోసారి సింగర్ అవతారమెత్తుతున్నారు. (వెంకటేష్)
ఎఫ్-2, ఎఫ్-3 చిత్రాల తర్వాత వెంకటేష్, డైరెక్టర్ అనిల్ రావిపూడి కాంబినేషన్ లో వస్తున్న సినిమా ‘సంక్రాంతికి వస్తున్నాం’ (Sankranthiki Vasthunam). శ్రీ వెంకటేశ్వర క్రియేషన్స్ నిర్మాణం ఈ చిత్రం సంక్రాంతి కానుకగా జనవరి 14న థియేటర్లలో అడుగుపెట్టనుంది. భీమ్స్ సిసిరోలియో సంగీతం అందించిన ఈ మూవీ నుంచి ఇప్పటికే విడుదలైన పాటలకు మంచి స్పందన లభించింది. ఇక ఈ సినిమాలో ఓ పాటను వెంకటేష్ ఆలపించినట్లు తెలుస్తోంది. ఇంగ్లీష్ పదాలతో ఎంతో ఎనర్జిటిక్ గా ఈ సాంగ్ ఉంటుందట. అంతేకాదు.. వెంకటేష్, ఐశ్వర్య రాజేష్, మీనాక్షి చౌదరిపై ఈ పాటను చిత్రీకరించినట్లు సమాచారం. న్యూ ఇయర్ కానుకగా ఈ సాంగ్ ని విడుదల చేయడానికి అవకాశం ఉంటుంది. మొత్తానికి వెంకటేష్ పాడిన ఈ పాట, సంక్రాంతికి మోత మోగించడం ఖాయమని అంటున్నారు.
