- ముందస్తు ప్రణాళిక ప్రకారం అధికారులపై దాడి
- ఐదు గ్రామాల రైతులను మాజీ ఎమ్మెల్యే పట్నం నరేందర్ రెడ్డి రెచ్చగొట్టారు
- దాడి చేసిన కొందరిని విచారించిన పోలీసులు
- కుట్రదారు పట్నమేనని నిర్ధారణ
- నరేందర్ రెడ్డి రిమాండ్ రిపోర్ట్ లో సంచలన విషయాలు
- రిమాండ్ రిపోర్టులో కేటీఆర్ పేరు ప్రస్తావన
- నరేందర్‌రెడ్డికి 14 రోజుల రిమాండ్, చర్లపల్లికి జైలుకు తరలింపు
- ప్రభుత్వ ప్రతిష్టను దిగజార్చేందుకు కుట్ర: రిమాండ్ రిపోర్టులో పోలీసులు
ముద్ర, తెలంగాణ బ్యూరో/ ముద్ర ప్రతినిధి, వికారాబాద్ : వికారాబాద్ జిల్లా లగచర్ల కలెక్టర్, ఇతర ప్రభుత్వ ఉద్యోగులపై జరిగిన దాడిలో సంచలన విషయాలు వెలుగు చూశాయి. ఈ కేసులో అరెస్టయిన కొడంగల్ మాజీ ఎమ్మెల్యే పట్నం నరేందర్‌రెడ్డి రిమాండ్ రిపోర్ట్‌లో పోలీసులు కేటీఆర్ పేరును ప్రధానంగా ప్రస్తావించినట్లు విశ్వసనీయంగా తెలిసింది. కేటీఆర్, బీఆర్ఎస్ ముఖ్య నేతల వివరాలతోనే లగచర్లలో అధికారులపై దాడి జరిగినట్లు పట్నం నరేందర్ రిమాండ్ రిపోర్టులో పోలీసులు రాష్ట్ర రాజకీయాలను కుదిపేశారు. ప్రభుత్వ ప్రతిష్ఠ దిగజార్చేందుకు కేటీఆర్ సహా పార్టీ ఇతర నేతలతో వ్యూహం రచన జరిపామని పట్నం నరేందర్‌రెడ్డి చెప్పినట్లు పోలీసులు రిమాండ్ రిపోర్టులో ఉన్నారు.
ఇందులో భాగంగానే ప్రధాన నిందితుడు సురేశ్‌తో తరచూ ఫోన్ మాట్లాడినట్లు అంగీకరించారని వివరించారు. ఈ దాడితో ప్రభుత్వాన్ని అస్థిర పర్చేకుట్రలో కేటీఆర్‌తో పాటు ఇతర నేతల ఆదేశాలున్నట్టు పోలీసులు తేల్చినట్లు తెలిసింది. నరేందర్ రెడ్డి రైతులను ఉద్దేశపూర్వకంగా రెచ్చగొట్టారని, ఆయన అనుచరుడు భోగమోని సురేష్‌ ద్వారా ప్రభావితమయ్యారని, కొందరికి డబ్బులు ఇచ్చి దాడికి ఉసిగొల్పారని రిమాండ్ రిపోర్ట్‌లో పేర్కొన్నారు. ఇంకా అధికారులను చంపినా పర్వాలేదని, రైతులకు పట్నం నరేందర్‌రెడ్డి చెప్పినట్లుగా పోలీసుల రిపోర్ట్‌లో ఉంది.అయితే ఇది జరిగిన ముందస్తు ప్రణాళిక ప్రకారం అధికారులపై దాడి జరిగినట్లు పోలీసులు తాము కోర్టుకు సమర్పించిన రిమాండ్ రిపోర్ట్‌లో పేర్కొన్నారు. దాడికి పాల్పడిన కొందరిని అదుపులోకి తీసుకుని విచారించమనీ నిందితుడు విశాల్‌తోపాటు గ్రామంలోని కొందరు సాక్షుల విచారణలో ప్రధాన కుట్రదారుడిగా మాజీ ఎమ్మెల్యే పట్నం నరేందర్‌రెడ్డిగా తేలిందని రిమాండ్ రిపోర్ట్‌లో పోలీసులు తెలిపారు. కొడంగల్ మాజీ ఎమ్మెల్యే పట్నం నరేందర్ రెడ్డి కీలక పాత్రలో తేలింది. హకీంపేట, పోలేపల్లి, రోటిబండ తండా, పులిచెర్ల తండా, లగచర్ల రైతులను నరేందర్ రెడ్డి రెచ్చగొట్టాడని పోలీసులు కోర్టుకు తెలిపారు.
నిందితుడు బోగమోని సురేష్‌ను బాధిత గ్రామాలకు తరలించి బ్రెయిన్‌వాష్ చేయబడ్డాడని, నిందితులకు ఆర్థిక, నైతిక సహాయంతో సహా అన్ని సౌకర్యాలు అందించారన్నారు. ప్రభుత్వానికి అడ్డంకులు సృష్టించడానికి నిందితుల దృష్టిని మళ్లించాడనీ భూసేకరణ సమయంలో సర్వే లేదా పబ్లిక్‌ హియరింగ్‌ నిర్వహించే సమయంలో అధికారులపై దాడులు చేయకపోతే మీ భూములు మీకు దక్కవని నరేందర్ రెడ్డి రెచ్చగొట్టాడన్నారు. అలా చేసిన వారికి పార్టీ తరపున అన్ని రకాలుగా మద్దతు ఉంటుందని… తమ పార్టీ ప్రముఖులు మిమ్మల్ని ఆదుకుంటారని రైతులకు, నిందితుడు సురేష్‌ కు నరేందర్ రెడ్డి హామీ ఇచ్చారు. నిందితుడు పట్నం నరేందర్ రెడ్డిని బుధవారం ఉదయం 07:02 హైదరాబాద్ ఫిల్మ్ నగర్‌లోని అతని ఇంట్లో అదుపులోకి తీసుకున్న పోలీసులు విచారణలో నేరపూరిత కుట్రతో దాడికి పాల్పడ్డారని నరేందర్ రెడ్డి ఒప్పుకున్నట్లు రిమాండ్ రిపోర్ట్‌లో స్పష్టం చేశారు.
నిందితుడు సురేష్‌ను తరచుగా సంప్రదించి వారి చర్యలను అంచనా వేసినట్లు కూడా ఒప్పుకున్నాడని తెలియజేసారు. కాగా బుధవారం సాయంత్రం నరేందర్ రెడ్డిని కొడంగల్ కోర్టులో హాజరుపర్చగా న్యాయమూర్తి 27వ తేదీ వరకు 14 రోజుల రిమాండ్ విధించారు. అక్కడ నరేందర్ రెడ్డికి వైద్య పరీక్షలు నిర్వహించిన పోలీసులు ఆయన్ను చర్లపల్లి జైలుకు వెళ్లారు. అంతకుముందు ఐజీ సత్యనారాయణ, ఎస్పీ నారాయణ రెడ్డి నరేందర్ రెడ్డిని వికారాబాద్ పోలీస్ శిక్షణ మూడు గంటల పాటు విచారించారు. ఆయన అరెస్టుపై బీఆర్ఎస్ శ్రేణుల ఆందోళనల దృష్ట్యా వికారాబాద్ శిక్షణా కేంద్రం నుంచి పరిగి పోలీస్ స్టేషన్‌కు. పరిగి పోలీస్‌స్టేషన్‌లో మరింత సమాచారం సేకరించిన పోలీసులు భారీ బందోబస్తు మధ్య కొడంగల్‌కు గుర్తించారు.
