.webp)
నాగశౌర్య హీరోగా 2018లో విడుదలైన ఛలో మూవీ ద్వారా తెలుగు ఇండస్ట్రీకి పరిచయమైన కన్నడ భామ రష్మిక మందన్న(rashmika mandanna).గీత గోవిందం, సరిలేరు నీకెవ్వరు, పుష్ప పార్ట్ 1 తో అగ్ర హీరోయిన్ గా ఎదిగిన రష్మిక, యానిమల్ తో అయితే పాన్ ఇండియా హీరోయిన్ అనే టాగ్ లైన్ కూడా పొందింది. ప్రస్తుతం తన చేతిలో పుష్ప పార్ట్ 2 , కుబేర,చావా,రెయిన్ బో, ది గర్ల్ ఫ్రెండ్, సికందర్ వంటి పలు క్రేజీ ప్రాజెక్ట్‌లు ఉన్నాయి.
వీటిలో సికందర్(సికందర్)మూవీ షూటింగ్ రీసెంట్ గా హైదరాబాద్ లో ప్రారంభమైంది.బాలీవుడ్ అగ్ర హీరో సల్మాన్ ఖాన్ హీరోగా తెరకెక్కుతున్న ఈ మూవీకి సంబంధించి రష్మిక, సల్మాన్ ల పై ఒక సాంగ్ పిక్చరైజ్ చేస్తున్నారు.ఇటీవల సల్మాన్ ని చంపుతామని కొంత మంది నుంచి బెదిరింపులు వచ్చిన దృష్ట్యా చిత్ర యూనిట్ కి భారీ బందోబస్తును ఏర్పాటు చేశారు. కల్పించారు. కేవలం సినిమాకి వర్క్ చేసే వాళ్ళని తప్ప ఎవరైనా అనుమతించడం లేదు.పైగా చిత్ర యూనిట్ కి సంబంధించిన ప్రతి ఒక్కరిని క్షుణ్ణంగా పరిశీలించిన తర్వాతే లోపలకి అనుమతిస్తున్నారు. కనీసం పరిసర ప్రాంతాలకు కూడా ఎవరిని అనుమతించడం లేదు.
.webp)
ఈ నెల ఏడు వరకు కంటిన్యూ గా షూటింగ్ జరగనుండగా, ఇందులో సాంగ్ తో పాటు కొంత టాకీ పార్ట్ ని కూడా చిత్రీకరిస్తున్నారు. దర్శకుడు మురుగుదాస్ దర్శకత్వంలో తెరకెక్కుతున్న ఈ మూవీలో కాజల్ అగర్వాల్, సత్యరాజ్, ప్రతీక్ బబ్బర్ లు కీలక పాత్రలు పోషిస్తున్నారు. సల్మాన్, సాజిద్ నడియావాలా లు సంయుక్తంగా ప్రదర్శన సికందర్ వచ్చే రంజాన్ కి థియేటర్స్ లో సందడి చేయనున్నారు.
