- వచ్చే నాలుగేళ్ల రేవంతే సీఎం
- ప్రతిపక్షాల ఆరోపణలు టీ కప్పులో తుపాను లాంటివి
- ఇందిరమ్మ ఇళ్లకు ఆధార్ లింక్
- ఈ నెల 6 నుంచి గ్రామ సభల్లో లబ్దిదారుల ఎంపిక
- త్వరలోనే రేషన్ కార్డుల స్థానాల్లో స్మార్ట్ కార్డ్
- ఇందిరమ్మ ఇళ్ల పనుల మానిటరింగ్‌కు 16శాఖల ఉద్యోగులు
- నిధుల కోసం గ్రీన్ ప్రకటన ఏర్పాటు
- మీడియాతో మంత్రి పొంగులేటి చిట్
ముద్ర, తెలంగాణ బ్యూరో :వచ్చే నెలాఖరు సంక్రాంతి తర్వాత రాష్ట్రంలో స్ధానిక సంస్థల ఎన్నికలు ఉంటాయని రాష్ట్రం లేదా శాఖ మంత్రి పొంగులేటి శ్రీనివాస రెడ్డి స్పష్టం చేశారు. ఆ లోగా సమగ్ర కుటుంబ సర్వే.. కులగణనను సజావుగా, విజయవంతంగా పూర్తి చేస్తామన్నారు. కులగణన ఆధారంగా స్ధానిక పోరులో రిజర్వేషన్లు ఉంటాయని మంత్రి కీలక వ్యాఖ్యలు చేశారు. శనివారం హైదరాబాద్ లో మీడియాతో చిట్ చాట్ చేసిన పొంగులేటి పలు కీలక వ్యాఖ్యలు చేశారు. రెండు మూడు రోజుల్లో ఇందిరమ్మ ఇళ్లకు ముగ్గు పోస్తామన్న మంత్రి మొదటి దశలో నాలుగు నుంచి ఐదు లక్షల ఇళ్ల నిర్మాణాలు పూర్తి చేస్తామన్నారు. ఈ నెల ఆరో తేదీ నుంచే ఇందిరమ్మ లబ్ధిదారుల ఎంపిక ఉంటుంది.
అన్ని గ్రామాల్లో గ్రామ సభలు నిర్వహించి లబ్దిదారులను ఎంపిక చేస్తామన్నారు. గత బీఆర్‌ఎస్ ప్రభుత్వంలో గృహ నిర్మాణ శాఖ పూర్తిగా నిర్వీర్యం అయ్యిందన్న పొంగులేటి..ఇందిరమ్మ ఇళ్ల పథకం కోసం ప్రత్యేక యాప్ రూపొందించామని, గ్రామ సభల ద్వారా ఇందిరమ్మ లబ్ధిదారులను ఎంపిక చేసినట్లు తెలిపారు. ఎంపిక చేస్తామన్నారు. లబ్ధిదారులతోనే ఇల్లు నిర్మింపజేసేలా ప్రణాళికలు సిద్ధం చేశారు. ఇందిరమ్మ ఇండ్ల నిధుల కోసం ప్రభుత్వం గ్రీన్ ఛానెల్ ఏర్పాటు చేసింది. కేంద్రం నుంచి రావాల్సిన నిధుల కోసం రాష్ట్ర ప్రభుత్వం కృషి చేస్తోందన్న మంత్రి కేంద్రం అన్ని షరతులకు ఒప్పుకునేందుకు సిద్ధంగా ఉన్నామన్నారు.
ఎట్టిపరిస్థితుల్లోనూ ఇందిరమ్మ ఇళ్ల నిర్మాణం పూర్తి చేస్తామన్నారు. అలాగే గత ప్రభుత్వం ఇచ్చిన ఇండ్లను సైతం తాము పూర్తి చేస్తామన్న పొంగులేటి.. ఇందిరమ్మ ఇండ్ల పథకం కాంగ్రెస్ ను మరోసారి అధికారంలోకి తీసుకువస్తామని ధీమా వ్యక్తం చేశారు. క్షేత్రస్ధాయిలో తలెత్తే అడ్డంకులు, అవాంతరాలు, నిధుల సమస్యను అధిగమిస్తూ ఇళ్ల నిర్మాణం చేపడతామన్నారు. నాలుగు దఫాలుగా ఇండ్ల నిర్మాణ నిధులు విడుదల చేస్తామన్నారు. మొదటి విడతలో రూ. 1లక్ష, రెండవ విడతలో రూ. 1.25 లక్షలు, మూడవ విడతలో రూ. 1.75 లక్షలు, నాలుగవ విడతలో రూ. 1లక్ష అందజేస్తామన్నారు.
గ్రామాల్లో ఇళ్ల నిర్మాణాల బాద్యతలను ప్రభుత్వ శాఖలకు అప్పగిస్తామన్న మంత్రి పట్టణాలకు కాంట్రాక్టు అప్పగిస్తామని చెప్పారు. నిజమైన లబ్ధిదారులను మాత్రమే ఇందిరమ్మ ఇండ్లకు ఎంపిక చేస్తామన్నారు. ఈ ప్రక్రియలో ఎవరి, ఎలాంటి జాగ్రత్తలకు తావు ఇవ్వబోమన్నారు. మొదట పేదవారికి ప్రాధాన్యత కల్పిస్తామన్న మంత్రి ఇండ్ల స్థలం ఉండి ఉన్న వారికి రూ. 5లక్షల నిర్మాణ ఆర్థిక సహాయం చేస్తామన్నారు. ఇండ్ల స్థలాలు లేని నిరు పేదలకు 75 నుంచి 80 గజాల స్థలం ప్రభుత్వం అందిస్తున్న ఆలోచన చేస్తోందన్న ఆయన 4వేల చ.అడుగులకు తక్కువ కాకుండా ఇండ్ల నిర్మాణం ఉండాలన్నారు. అయితే ఇందిరమ్మ ఇళ్ల లబ్ధిదారులకు ఆధార్ కార్డు తప్పని సరి అని మంత్రి స్పష్టం చేశారు. త్వరలోనే రేషన్ కార్డుల స్థానాల్లో స్మార్ట్ కార్డ్ ఇస్తామని చెప్పారు. ఇందిరమ్మ ఇండ్ల నిర్మాణాల పర్యవేక్షణ ప్రభుత్వంలోని 16 శాఖలకు సంబంధించిన ఉద్యోగులను కేటాయిస్తానని వివరించారు. వచ్చే నాలుగేళ్లలో రాష్ట్రవ్యాప్తంగా 20 లక్షల ఇండ్ల నిర్మాణమే తమ ప్రభుత్వ లక్ష్యమన్నారు. అయితే ఇందిరమ్మ పథకంపై నాలుగు రోజులు అధ్యయనం చేసినట్లు మంత్రి తెలిపారు.
రేవంతే పూర్తి కాలం సీఎం..!
రాబోయే నాలుగేళ్లలో ఒక నెల కూడా రేవంత్ రెడ్డి ఈ రాష్ట్రానికి సీఎంగా కొనసాగుతారని మంత్రి పొంగులేటి స్పష్టం చేశారు. ఆ తర్వాత జరిగే సీఎం ఎవరు ఏఐసీసీ ఎన్నికల్లో నిర్ణయిస్తారు. అయితే సీఎం మార్పుపై ప్రతిపక్షాలు కావాలనే ప్రజలను తప్పుదోవ పట్టించే ప్రయత్నం సూచించారు. రేవంత్ మార్పుపై ప్రతిపక్షాల ఆరోపణలు టీ కప్పులో తుఫాన్ లాంటివే అన్నారు.
