- 30 మందికి గాయాలు , నలుగురి పరిస్థితి విషమం
ముద్ర ప్రతినిధి, కోదాడ :- ఎన్ ఎచ్ 65 రహదారి పై కోదాడ బైపాస్ కట్టకమ్మగూడెం జంక్షన్ వద్ద శనివారం తెల్లవారుజామున 3:30 ప్రాంతంలో రోడ్డు ప్రమాదం జరిగింది . ప్రమాదం జరిగిన స్థలంలో నేషనల్ హైవే వారు రోడ్డు వెడల్పుకు సంబంధించిన పనులు చేస్తున్నారు . ఈ ప్రమాదంలో 30 మంది వరకు గాయపడగా అందులో నలుగురి పరిస్థితి విషమంగా ఉంది.
వివరాల్లోకి వెళితే హైదరాబాద్ నుండి విజయవాడ వెళుతున్న ప్రయివేట్ ట్రావెల్స్ (మహి ట్రావెల్స్) స్లీపర్ బస్సు ప్రయాణికులు మూత్ర విసర్జన కోసం ప్రక్కకు ఆపగా అదే సమయంలో టీజీ ఆర్టీసీ బస్సు ప్రయివేట్ ట్రావెల్స్ బస్సును వెనుక నుండి బలంగా ఢీ కొట్టడంతో, ప్రయివేట్ ట్రావెల్‌లో వెనుక కూర్చున్న ప్రయాణికులకు , ఆర్టీసీ బస్సులో ముందున్న ప్రయాణికులకు గాయాలయ్యాయి. స్థానికుల సమాచారంతో సంఘటనా స్థలానికి చేరుకున్న కోదాడ పట్టణ పోలీసులు క్షతగాత్రులను 108 ద్వారా కోదాడ ప్రభుత్వ ఆసుపత్రికి తరలించారు . జాతీయ రహదారిపై ప్రమాదం సంభవించడంతో ట్రాఫిక్ ఆగిపోయి ప్రయాణికులు ఇబ్బందులకు గురయ్యారు.
