- ఎక్స్ వేదికగా తీవ్ర ఆగ్రహం
ముద్ర, తెలంగాణ బ్యూరో:-దళిత మహిళపై పోలీసులు జరిపిన దాడిపై బీఆర్ఎస్ వర్కింగ్ ప్రెసిడెంట్ కేటీఆర్ తీవ్రంగా ఖండించారు.దళిత మహిళపై ఇంత దాష్టీకమా? అని నిలదీశారు. ఇదేనా ఇందిరమ్మ పాలన? ఇదేనా ప్రజాపాలన? అంటూ ఎక్స్ వేదికగా ఉంది. దొంగతనం ఒప్పుకోవాలంటూ ఆమెపై థర్డ్ డిగ్రీని ప్రయోగించడం సిగ్గుచేటు అని ధ్వజమెత్తారు.
ఒక మహిళా అని కూడా చూడకుండా ఇంత అమానవీయంగా ప్రవర్తిస్తారా? అని కనిపించింది.నిక్కర్ తొడిగి, బూటు కాళ్లతో తన్నటమా..! అని ప్రశ్నించారు. మహిళపైఇంత కర్కశత్వమా… సిగ్గు సిగ్గు..! అని ఉంది. కొడుకు ముందే చిత్ర హింసలా? అని ఆవేదన వ్యక్తం చేశారు.రక్షించాల్సిన పోలీసులతోనే రక్షణ లేని పరిస్థితికి కాంగ్రెస్ ప్రభుత్వం తీసుకొచ్చింది.
అసలు ఏం జరుగుతోంది అని ప్రశ్నించారు. మహిళలంటే ప్రభుత్వానికి ఇంత చిన్నచూపా..! అని అడిగారు. ఒక వైపు మహిళలపై అత్యాచారాలు, అవమానాలు….మరోవైపు దాడులు, దాష్టీకాలు..! అని ఉంది. యథా రాజా తథా ప్రజా అన్నట్లు ముఖ్యమంత్రే స్వయంగా ఆడబిడ్డలను అవమానిస్తే..పోలీసులు మాత్రం మేమేమీ తక్కువ అన్నట్లు వ్యవహరిస్తున్నారని ఆరోపించారు.
ఆడబిడ్డలపై లాఠీఛార్జీలు, దాడులకు తెగబడుతున్నారు. ఆడబిడ్డల ఉసురు కాంగ్రెస్ ప్రభుత్వానికి మంచిది కాదని హితవు పలికారు. వాళ్లను గౌరవించకపోయినా ఫర్వాలేదు…..కానీ ఇలా దౌర్జన్యాలు మాత్రం చేయకండి అని సూచించారు. షాద్ నగర్ లో దళిత మహిళపై పోలీసులు వ్యవహరించిన తీరు అత్యంత నీచమన్నారు. బీఆర్ఎస్ పార్టీ ఈ ఘటనను తీవ్రంగా ఖండిస్తోందన్నారు.
వెంటనే ఈ దాడికి పాల్పడిన పోలీసులపై ఎస్సీ, ఎస్టీ అట్రాసిటీ కేసు నమోదు చేయాలని డిమాండ్ చేశారు. అలాగే
బాధ్యులపై కఠిన చర్యలు తీసుకోవాలన్నారు. బాధిత మహిళలకు సత్వర న్యాయం చేయాలని విజ్ఞప్తి చేశారు.
దళిత వ్యతిరేక.. మహిళా వ్యతిరేక కాంగ్రెస్ సర్కారును తెలంగాణ సమాజం ఎప్పటికీ క్షమించదని ఈ సందర్భంగా కేటీఆర్ హెచ్చరిక.
