17
ముద్ర ప్రతినిధి,హైదరాబాద్: మౌలాలి ప్రాంతంలోని కేబుల్ చౌరస్తా (ఎన్ ఎఫ్ సి) లో గల బృహదాంజనేయ (శ్రీ రామానుజ మందిరం) ప్రాంగణంలో మంగళవారం నాడు శ్రీ రామానుజ సేవా ట్రస్ట్ ఆధ్వర్యంలో ఆర్మీ డెంటల్ కాలేజీ వైద్యబృందం ఉచిత దంతవైద్య శిబిరాన్ని నిర్వహించింది.
పేదలు ముఖ్యంగా విద్యార్థుల కోసం సేవాట్రస్ట్ చొరవతో – ఆర్మీ డెంటల్ కాలేజి ఫ్రొఫెసర్ డాక్టర్ ప్రతిమ ఆధ్వర్యంలో మెడికల్ టీమ్ ఈ దంతవైద్య శిబిరాన్ని ఏర్పాటు చేసింది.సమీప ప్రభుత్వ పాఠశాల విద్యార్థులతో సహా దాదాపు రెండు వందల మంది ఈ వైద్యపరీక్ష తీసుకున్నారు.నెలకోసారి పేద ప్రజల ప్రయోజనాల కోసం ఇలాంటి ఉచిత దంతవైద్య శిబిరాన్ని నిర్వహిస్తున్నామని డాక్టర్ ప్రతిమ చెప్పారు. వైద్యపరంగా సామాన్య ప్రజలకోసం వివిధ ఆరోగ్య సమస్యలపై ఇలాంటి వైద్య శిబిరాలను మరెన్నో నిర్వహించనున్నామని ఆమె చెప్పారు.
