.webp)
ఒకప్పటి హీరోయిన్ రేణుదేశాయ్(renu desai)కి పవన్ కళ్యాణ్(pawan kalyan)మాజీ భార్యగా పవన్ అభిమానుల్లోనూ, ప్రేక్షకుల్లో కూడా మంచి గుర్తింపు వచ్చింది.కొన్నాళ్ల క్రితం సెకండ్ మ్యారేజ్ చేసుకోవాలని ప్రయత్నాలు చేసింది కూడా ఆ తర్వాత వెనకడుగు వేసింది.గత కొంత కాలం నుంచి తన పలు రకాల సోషల్ యాక్టివిటీస్ లో పాల్గొంటుంది. గళాన్ని వినిపిస్తూ ఉంది.
సోషల్ మీడియాలో యాక్టీవ్ గా ఉండే రేణు దేశాయ్ రీసెంట్ గా తన ఇన్ స్టాగ్రామ్ లో షూటింగ్ లో పాల్గొనడం కోసం ఏడాది తర్వాత మళ్లీ మేకప్ వేసుకుంటున్నాను అంటూ ఒక పోస్ట్ షేర్ చేసింది.అయితే సినిమా వివరాలు, హీరో ఎవరనే విషయం వెల్లడి కాలేదు.దీంతో పవన్ ఫ్యాన్స్ ఆ సినిమా వివరాలు కూడా చెప్పచ్చు కదా అంటూ కామెంట్స్ చేస్తున్నారు. కొంత మంది అయితే ఆ సినిమా పవన్ దేనా అని కూడా కామెంట్ చేస్తున్నారు. ఏది ఏమైనా ఏడాది తర్వాత రేణు షూటింగ్‌లో పాల్గొనబోతుండడంతో ఆమె అభిమానులు అయితే తమ ఆనందాన్ని వ్యక్తం చేస్తున్నారు
మోడల్ గా తన కెరీర్ ని ప్రారంభించిన రేణు దేశాయ్ 2000 వ సంవత్సరంలో పవన్ కళ్యాణ్ హీరోగా వచ్చిన బద్రి తో హీరోయిన్ గా సినీ అరంగ్రేటం చేసింది.ఆ తర్వాత తమిళంలో జేమ్స్ పండు అనే మూవీతో పాటు పవన్ తోనే జానీ అనే మరో మూవీలో చేసింది.ఇక ఆ తర్వాత సినిమాలకి స్వస్తి చెప్పి పవన్ నటించిన చాలా సినిమాలకి స్టయిలిస్ట్. గా వర్క్ చేసింది.గత సంవత్సరం రవితేజ(ravi teja) హీరోగా వచ్చిన టైగర్ నాగేశ్వరరావు లో ఒక కీలకమైన పాత్రలో మెప్పించింది.
