- ఇకపై పెట్టుబడికే ప్రతిపైసా
- సూక్ష్మ,చిన్న,మధ్యతరహా పరిశ్రమలకు ఊతం
- వచ్చే ఐదేళ్లలో ప్రతి జిల్లాలో ఒక పారిశ్రామిక పార్కు
- పరిశ్రమల ఏర్పాటు కోసం మహిళలు,ఎస్సీ ఎస్టీలకు ప్లాట్లు రిజర్వు
- పాలసీ నిర్వహణ, పర్యవేక్షణకు న్నతస్థాయి స్టీరింగ్ కమిటీ
- ఎంఎస్‌ఎంఈల ప్రోత్సాహం, పెట్టుబడుల ఆకర్షణ కోసం 4.0 పేరుతో నూతన పాలసీ
ముద్ర, తెలంగాణ బ్యూరో : తెలంగాణ.. పారిశ్రామికాభివృద్ధి వైపు వడివడిగా అడుగులు వేస్తోంది. ఈ మేరకు ఇకపై ఖర్చుచేసే ప్రతి పైసా పెట్టుబడికి భరోసా కల్పించేలా ప్రణాళికలు రూపొందించబడ్డాయి. తాజా పరిశ్రమల సాధన, వాటి నిర్వహణపై ఫోకస్ చేసిన రాష్ట్ర సర్కార్.. రాష్ట్ర ఆర్థికాభివృద్ధిలో సూక్ష్మ, చిన్న, మధ్య తరహా పరిశ్రమలే (ఎంఎస్ఎంఈ) కీలకమని కోరుతోంది. అయితే ప్రస్తుతం రాష్ట్రంలో ఎంఎస్‌ఎంలు చాలా బలహీనంగా ఉండటంతో ముందుగా వాటిని బలోపేతం చేసేందుకు ప్రణాళికలు సిద్ధం చేస్తున్నారు. ఈ విషయంలో ఎంఎస్ఈలు ప్రధానంగా ఆరు అడ్డంకులు ఎదుర్కొంటున్నట్లు ప్రభుత్వం గుర్తించింది. భూమి సౌలభ్యత, మూలధన లభ్యత, ముడిపదార్థాల అందుబాటు, శ్రామిక శక్తి కొరత, సాంకేతిక సౌలభ్యత లేకపోవడం, మార్కెట్‌లతో అనుసంధానం లేకపోవడం వంటి అంశాలు ఎంఎస్ఎంఈలు ఎదుర్కొంటున్న సవాళ్లు అని సర్కార్ గుర్తించింది.
ఈ అడ్డంకులను తొలగించడానికి 40 ప్రతిపాదనలు చేసిన ప్రభుత్వం ఎంఎస్‌ఎంఈల ప్రోత్సాహం, పెట్టుబడుల ఆకర్షణకు పరిశ్రమ 4.0 పేరుతో నూతన పాలసీని తీసుకువచ్చింది. ఎంఎస్ఎంఈలు ఎదుర్కొంటున్న అనేక సమస్యలకు ఈ పాలసీతో స్వస్తి పలకడం విశ్వసిస్తోంది. సమ్మిళిత అభివృద్ధి, సమగ్ర ఉపాధి, మెరుగైన ఉత్పాదకత సాధించడానికి ఈ కొత్త విధానం దోహదపడుతుందని భావిస్తున్నది. కాగా ఇప్పటివరకు పారిశ్రామికల్లో ఎంఎస్‌ఎంఈలకు స్థలాలను కేటాయిస్తే, ఔత్సాహిక పారిశ్రామికవేత్తలు ఆయా స్థలాలను గవర్నమెంట్ నుంచి కొనాల్సి ఉంది. ఫలితంగా స్థాపించాలనుకున్న పరిశ్రమ పెట్టుబడిలో అత్యధికం, కొన్నిసార్లు మొత్తంగా స్థలం కొనుగోలు చేయడానికి సరిపోయేది. దాంతో పరిశ్రమ ఏర్పాటుకు అప్పులు చేయాల్సి వస్తుంది. ఈ కారణంగా పెట్టుబడి రెట్టింపు కంటే అధికమై, ఇండస్ట్రీ నిర్వహణ కూడా కష్టంగా మారుతోంది. అయితే ప్రభుత్వం ప్రకటించిన నూతన పారిశ్రామిక విధానంలో లీజు పద్ధతిని ప్రవేశపెట్టింది. ఇందులో ఇకపై చిన్నతరహా పరిశ్రమలు స్థాపించాలనుకున్న వారు కొనాల్సిన అవసరం ఉండదు. ఏకంగా 33 ఏళ్ల వరకు లీజుకు తీసుకోవచ్చు. ఇందులో ప్రభుత్వ-ప్రైవేటు భాగస్వామ్యంతో (పీపీపీ) ఈ భవనాలను పరిశ్రమలకు అనువుగా నిర్మించనున్నారు. అప్పుడు నిర్దేశించుకున్న ప్లాన్ ప్రకారమే, పరిశ్రమ స్థాపనకు పెట్టుబడి పెట్టడానికి మార్గం సుగమం అవుతుందని భావిస్తున్న సర్కార్ పారిశ్రామికవేత్తలపై ఆర్థిక భారం తగ్గుతుందని నమ్ముతున్నారు.
ఎంఎస్ఎంఈ పార్కులు..!
ఇందిరమ్మ మహిళా శక్తి పథకం కింద మహిళలను కోటీశ్వరులను చేయాలనే లక్ష్యంతో, ప్రతి నియోజకవర్గంలో ప్రత్యేకంగా ఒక మహిళా పారిశ్రామికవాడను ఏర్పాటు చేయాలని రాష్ట్ర ప్రభుత్వం నిర్ణయించింది. ఇందులో ఎంఎస్‌ఎంఈలను స్థాపించడానికి వచ్చే మహిళలకు మహిళా శక్తి స్కీం ద్వారా మరింత ప్రోత్సహిస్తారు. ఈ పార్కుల్లో ప్రైమరీ హెల్త్ సెంటర్, చిన్న పిల్లల సంరక్షణ కేంద్రం, కార్మికుల నివాస గృహాలు వంటి సామాజిక సౌకర్యాలు కూడా కల్పించబడతాయి.
మహిళలు, ఎస్సీ ఎస్టీలకు ప్లాట్లు రిజర్వు..
ప్రభుత్వం నిర్మించాలని ప్రతి పారిశ్రామిక పార్కులో 20 శాతం ప్లాట్లు ఎంఎస్ఈల కోసం రిజర్వు చేయాలని కొత్త పాలసీలో సీఎం రేవంత్ రెడ్డి సర్కార్ స్పష్టం చేసింది. వచ్చే ఐదేళ్లలో ప్రతి జిల్లాలో ఒక పారిశ్రామిక పార్కు ఏర్పాటు చేసినట్లు ప్రకటించారు. అలాగే ఓఆర్ఆర్, ఆర్ఆర్ఆర్ మధ్య పది పారిశ్రామిక పార్కులను నిర్మించబోతున్నట్లు కొత్త సీట్లు వచ్చాయి.ఈ పది పారిశ్రామిక పార్కులలో ఐదు ఎంఎస్ఎంఈ పార్కులు ఉండనుండగా వీటిలో ప్రతి ఎంఎస్ఎంఈ పార్కులో ఐదు శాతం పాట్లకు మహిళా పారిశ్రామికవేత్తలకు 15 శాతం పాట్లను ఎస్సీ, ఎస్టీ పారిశ్రామికవేత్తలకు రిజర్వ్ ప్రభుత్వం నిర్వహిస్తోంది. అలాగే ఎంఎస్ఈలను సరిగ్గా అమలుపరిచి నిర్వహణ, పర్యవేక్షణ కోసం ఉన్నతస్థాయి స్టీరింగ్ కమిటీని ఏర్పాటు చేయనుంది.
===========
