జూనియర్ ఎన్టీఆర్ (Jr NTR), కొరటాల శివ కాంబినేషన్‌లో రూపొందించిన ‘దేవర’ (దేవర) మూవీ ఇటీవల విడుదలై భారీ వసూళ్లతో దూసుకుపోతోంది. ఈ సినిమాని ముఖ్యంగా ఎన్టీఆర్ ఫ్యాన్స్, మాస్ ఆడియన్స్ ఎంతగానో ఎంజాయ్ చేస్తున్నారు. ఆ వెంటనే ‘దేవర-2’ ఎప్పుడు మొదలవుతుందనే చర్చలు కూడా స్టార్ట్ అయ్యాయి. అయితే వచ్చే ఏడాది నుంచే ‘దేవర-2’ షూట్ షురూ కానుందని తెలుస్తోంది. (దేవర 2)
ఎన్టీఆర్ చేతిలో ప్రస్తుతం ‘వార్-2’, ప్రశాంత్ నీల్ ప్రాజెక్ట్ లు ఉన్నాయి. ఇప్పటికే ‘వార్-2’ షూటింగ్ కొంతభాగం పూర్తి చేసిన ఎన్టీఆర్.. త్వరలోనే నీల్ ప్రాజెక్ట్ షూట్ ని కూడా ప్రారంభించనున్నాడు. ఈ రెండు సినిమాల షూటింగ్ లను వచ్చే ఏడాది ఆగష్టు, సెప్టెంబర్ కల్లా పూర్తి చేసేలా ఎన్టీఆర్ పక్కా ప్లానింగ్ తో ముందుకు వెళ్తున్నాడట. ఈ లోపు కొరటాల కూడా ప్రీ ప్రొడక్షన్ వర్క్ పూర్తి చేస్తానని, వచ్చే ఏడాది అక్టోబర్ నుంచి ‘దేవర-2’ షూట్ మొదలు పెట్టేలా కార్యక్రమాలను విడుదల చేసింది. ‘దేవర’లో మీరు చూసింది 10 శాతమే అని, ‘దేవర-2’ ఓ రేంజ్ లో ఉంటుందని ఇప్పటికే కొరటాల చెప్పాడు. ఆయన మాటలను బట్టి చూస్తే.. ‘దేవర-2’ అత్యంత భారీగా ఉండబోతుందని అర్థమవుతోంది.
అన్ని అనుకున్నట్టు జరిగి ‘దేవర-2’ వచ్చే ఏడాది అక్టోబర్ నుంచి స్టార్ట్ అయితే ఎన్టీఆర్ ఫ్యాన్స్ కి పండగే అని చెప్పవచ్చు. ఎందుకంటే గత ఆరేళ్లలో ఎన్టీఆర్ నుంచి ‘ఆర్ఆర్ఆర్’, ‘దేవర’ అనే రెండు సినిమాలు మాత్రమే వచ్చాయి. దీనితో ఆయన ఇంతకు ముందులా వేగంగా సినిమాలు చేయాలని అభిమానులు కోరుకుంటున్నారు. అందుకు తగ్గట్టుగానే ఎన్టీఆర్ అడుగులు ఉంటున్నాయి. ఈ ఏడాది దేవరతో పలకరించాడు. 2025 ఆగష్టులో ‘వార్-2’, 2026 జనవరిలో నీల్ ప్రాజెక్ట్ విడుదల కానున్నాయి. ఇక ‘దేవర-2’ కూడా 2026 ద్వితీయార్థంలో లేదా 2027 ప్రథమార్థంలో విడుదలయ్యే అవకాశం ఉంది. అంటే ఇక మీదట ఎన్టీఆర్ నుంచి ఏడాదికి కనీసం ఒక సినిమా రానుంది అన్నమాట.
