సత్యరాజ్ ప్రధాన పాత్రలో వశిష్ట ఎన్ సింహ,సాంచి రాయ్,ఉదయభాను,సత్యం రాజేష్, క్రాంతి కిరణ్ తదితర నటులు చేస్తున్న చిత్రం ‘బార్బరిక్'(అనాగరిక)స్టార్ డైరెక్టర్ మారుతి(మారుతి) సమర్పకుడిగా వానర సెల్యూలాయిడ్ బ్యానర్ పై విజయపాల్ రెడ్డి ఈ మూవీకి మోహన్ శ్రీవత్స దర్శకత్వం వహిస్తున్నారు. రిలీజ్ మోషన్ పోస్టర్‌తో సినిమా మీద అంచనాలు పెరిగాయి.తాజాగా చిత్ర బృందం ఈ శుక్రవారం టీజర్ ని రిలీజ్ చేసింది.
స్వీయ నాశనానికి మూడు చిత్రాలున్నాయి.ఇది నువ్వో నేనో చేసే పని కాదు దిమాక్ ఉన్నోడే చేయాలి.ఒకడు తాచు పాము తోకని తొక్కాడు.తొక్కిన వాడిని పాము కాటేస్తోంది.మరి తొక్కించిన వాడి సంగతేంటి?అదిరిపోయే డైలాగ్స్‌తో సాగిన ఈ టీజర్‌లో ఎన్నో హైలెట్స్ ఉన్నాయి.సత్యరాజ్, వశిష్ట, సత్యం కి ఉన్న ఇంపార్టెన్స్‌ని టీజర్‌లో చూపించారు. ఇక టీజర్ చివర్లో వదిలిన షాట్స్, చూపించిన గెటప్స్ నెక్ట్స్ లెవెల్లో ఉన్నాయి.
టీజర్ విడుదల అనంతరం ఏర్పాటు చేసిన కార్యక్రమంలో దర్శకుడు మారుతి మాట్లాడుతూ.. ‘బార్బరిక్’ సినిమా కోసం నేనేమీ పని చేయలేదు. ఈ టీంకు సలహాలు, సూచనలు మాత్రమే ఇచ్చాను.ఇది చాలా రిస్కీ జానర్ అని చెప్పాను. మోహన్, రాజేష్ చాలా కాన్ఫిడెన్స్‌తో సినిమాని స్టార్ట్ చేశారు.విజయ్ గారు ఈ సినిమా కోసం చాలా ఖర్చు పెట్టారు.ఆయన అతి తక్కువ టైంలోనే పెద్ద ప్రొడ్యూసర్ కానున్నారు. విజయ్ గారితో కలిసి జీతెలుగుతో మరో సినిమాని కూడా చేయబోతున్నాను.దర్శకుడు మోహన్‌లో చాలా ఎనర్జీ ఉంది.ఈ మూవీని చాలా చక్కగా తెరకెక్కించాడు.రమేష్ రెడ్డి గారి కెమెరా వర్క్ అద్భుతంగా ఉంది. ఇంఫ్యూజన్ బ్యాండ్ ఈ చిత్రానికి మంచి సంగీతాన్ని అందించారు. మైథలాజికల్ పాయింట్‌లో ఉన్న ఒక క్యారక్టర్ ప్రెజంట్ జనరేషన్‌కి వస్తే ఎలా ఉంటుందో ఈ చిత్రంలో చూపించారు.ఈ చిత్రం ఖచ్చితంగా పెద్ద హిట్ అవుతుంది.సత్య రాజ్ గారు బాహుబలి చేశారు,బార్బరిక్ కూడా చేశారు.ఆయనకు కథ నచ్చితే వెంటనే ఓకే చెబుతారు. ఆయనతో నేను ‘ప్రతిరోజు పండగే’ వంటి మంచి సినిమా చేశాను. ఈ మూవీని అందరూ ఎంకరేజ్ చెయ్యాలని చెప్పుకొచ్చాడు.
సత్య రాజ్ మాట్లాడుతూ ‘బార్బరిక్ టీంకు ఇక ప్రతి రోజూ పండుగే. ఇది పక్కా కమర్షియల్ సినిమా.ఇకపై మేం అంతా రాజా సాబ్‌లమే. మోహన్ కథ చెప్పగానే నాకు చాలా నచ్చింది.ఈ సినిమాకి డైరెక్టర్ కథే హీరో. నిర్మాత విజయ్ పాల్ రెడ్డి, రాజేష్ గారు టీంను చక్కగా చూసుకున్నారు.సత్యం రాజేష్ గారు సినిమాలో నాతో పాటే ఉంటారు.ఇందులో నా పాత్ర చాలా కొత్తగా ఉంటుంది. ఏజ్డ్ యాక్షన్ హీరో అనే ట్యాగ్ కోసం నేను ప్రయత్నించాను. ఈ మూవీతో నాకు ఆ ట్యాగ్ వస్తుంది. నన్ను తెలుగులో డబ్బింగ్ చెప్పమని అన్నారు. హిందీ, కన్నడ, తమిళంలోనూ డబ్బింగ్ చెప్పాను.ఈ సినిమా పెద్ద హిట్ కాబోతుందని చెప్పారు.
నిర్మాత విజయ్ పాల్ రెడ్డి ఆదిల మాట్లాడుతూ.. ‘వానర సెల్యూలాయిడ్ అనేది మా తల్లిదండ్రుల పేరు మీదుగా పెట్టాను. మారుతి గారితో కలిసి ఈ ప్రాజెక్ట్ చేస్తున్నాను. అతనికి ఎప్పుడూ రుణ పడి ఉంటాను. బార్బరిక్ లాంటి పెద్ద సినిమా చేస్తానని నేను అనుకోలేదు. ఈ మూవీ కోసం ఇంఫ్యూజన్ బ్యాండ్‌ను తీసుకొచ్చాను. సినిమా అద్భుతంగా ఉండబోతోందని అన్నారు.
దర్శకుడు మోహన్ శ్రీవత్స (mohan sri vasthsa)మాట్లాడుతూ’బార్బరిక్ టైటిల్ గ్లింప్స్‌కు అద్భుతంగా రెస్పాన్స్ వచ్చింది.సత్యం సుందరం సినిమా చూస్తే సుందరం లాంటి ఇద్దరు వ్యక్తులు ఈ స్టేజ్ మీద ఉన్నారు. విజయ్ గారు నేను చెప్పిన కంటెంట్, కథను నమ్మి నాకు కావాల్సినంత బడ్జెట్ ఇచ్చారు. మారుతి గారు నాకు ఎప్పుడూ సపోర్ట్‌గా ఉంటూ స్పూర్తి నింపుతూనే ఉన్నారు. సత్యరాజ్ గారు ఈ క్యారక్టర్ ని చాలా ప్రేమించారు.అర్దరాత్రి దాటినా షూటింగ్ చేస్తూ ఉండేవారు. వర్షంలోనే రాత్రి పూట షూటింగ్ చేసేవారు. సత్యం రాజేష్ గారు నాకు చాలా సపోర్ట్ చేశారు. వశిష్ట త్వరలోనే స్టార్ అయిపోతారు. సాంచీ చాలా మంచి అమ్మాయి. క్రాంతి కిరణ్ మంచి స్టార్ అయిపోతాడు. బార్బరికుడికి త్రిబాణాస్త్రం ఉన్నట్టు నాకు మూడు అస్త్రాలున్నాయి. ఒకటి డీఓపీ రమేష్,రెండు ఫ్యూజన్ బాండ్, మూడు ఎడిటర్ మార్తాండ్ కే వెంకటేష్. ఈ మూడు అస్త్రాలతో నేను ఆడియన్స్ ముందుకు రాబోతున్నాను’ అని అన్నారు.
సత్యం రాజేష్ మాట్లాడుతూ.. ‘బార్బరిక్ చిత్రం చాలా బాగుంటుంది. నాకు మంచి పాత్ర వచ్చింది. దీని మీద ఎంత బడ్జెట్ పెట్టారో కూడా ఊహించలేరు. మినీ బాహుబలిలా ఉంటుంది. వశిష్ట, క్రాంతి కిరణ్, సాంచీ రాయ్, యష్న అద్భుతంగా నటించారు. ఎగ్జిక్యూటివ్ నిర్మాత రాజేష్ అందరికీ సపోర్ట్‌గా నిలిచారు. సత్యరాజ్ గారు ఏజ్ యాక్టర్‌లతో నటిస్తే ఆ ఏజ్ యాక్టర్‌లా మారిపోతారు. ఆయనతో నటించడం ఆనందంగా ఉంది’ అని అన్నారు.
హీరోయిన్ సాంచి రాయ్ మాట్లాడుతూ.. ‘బార్బరిక్ టీజర్ అందరికీ నచ్చుతుంది. ఇది నాకు ఫస్ట్ తెలుగు సినిమా. నాకు ఇక్కడ అనంతమైన ప్రేమ లభిస్తుందని ఆశిస్తున్నాను. నాకు ఈ అవకాశం ఇచ్చిన దర్శక నిర్మాతలకు థాంక్స్. ఈ సినిమా పెద్ద హిట్ కాబోతోంది’ అని అన్నారు.నటుడు క్రాంతి కిరణ్ మాట్లాడుతూ;బార్బరిక్ సినిమా చాలా కొత్తగా ఉండబోతోంది. ఇందులో నేను దేవ్ అనే పాత్రను పోషించాను. కొత్త దర్శక, నిర్మాతలకు మారుతి గారు బ్యాక్ బోన్‌లా నిలిచారు. కంటెంట్‌తో వస్తున్న సినిమా ఇది. ఈ మూవీ అందరికీ నచ్చుతుంది. ఇంఫ్యూజన్ బ్యాండ్ ఇచ్చిన పాటలు, ఆర్ఆర్ అద్భుతంగా ఉంటుంది. మున్ముందు మరిన్ని అప్డేట్లతో రాబోతున్నామ’ని అన్నారు.ఆదిత్య మ్యూజిక్ నిరంజన్ మాట్లాడుతూ’త్రిబాణధారి బార్బరిక్ టీజర్ అద్భుతంగా ఉంది. మారుతి గారు మాకు పరిచయమైన దగ్గర్నుంచి ఆయన సినిమా ఆడియోలు మా ద్వారానే రిలీజ్ అవుతున్నాయి.ఇంఫ్యూజన్ బ్యాండ్ మంచి సంగీతాన్ని అందించారు. ఈ చిత్రం పెద్ద హిట్ అవ్వాలని కోరుకుంటున్నా’ అని అన్నారు.లైన్ ప్రొడ్యూసర్ : సురేష్, ఆర్ట్ డైరెక్టర్ : శ్రీనివాస్ పున్నాస్, ఫైట్స్ : రామ్ సుంకర
కాస్ట్యూమ్ పంపిణీ : మహి డేరంగుల,PRO :సాయి సతీష్
