పుష్ప2 రిలీజ్ కి ముందు ఆ మేనియా దేశమంతా పాకింది. ఎక్కడా ఈ సినిమా గురించి చర్చించుకుంటున్నారు. గత నెలరోజులుగా మీడియాలో, సోషల్ మీడియాలో ఇదే టాపిక్‌ నాన్‌స్టాప్‌గా రన్‌ అవుతోంది. తెలుగు సినిమా చరిత్రలోనే ఒక సినిమాకి ఇంత హైప్ రాలేదు. డిసెంబర్ 5న ప్రపంచవ్యాప్తంగా విడుదలైన పుష్ప2 అందరూ అనుకున్నట్టుగానే భారీ ఓపెనింగ్స్ మొదటి రోజు ప్రపంచవ్యాప్తంగా రూ.300 కోట్లు కలెక్ట్ చేసిందని అనధికార సమాచారం అందుతోంది. టాలీవుడ్‌లోనూ, బాలీవుడ్‌లోనూ మొదటి రోజు కలెక్షన్‌ రికార్డ్సును పుష్ప2 క్రాస్‌ చేసింది. శుక్రవారం మైత్రి మూవీ మేకర్స్ మొదటి రోజు కలెక్షన్స్‌ను అధికారికంగా ప్రకటించే అవకాశం ఉంది. ఫస్ట్‌ డే కలెక్షన్స్‌ ఇంత హెవీగా ఉండడానికి కారణం పెంచిన టికెట్ ధరలేనని స్పష్టంగా చూపుతోంది. దశలవారీగా పెరిగిన ఈ ధరలు దాదాపు 15 రోజులు అమలులో ఉంటాయి కాబట్టి పుష్ప2 కలెక్షన్ల పరంగా మరిన్ని రికార్డులు క్రియేట్ చేసే అవకాశం ఉంది. (పుష్ప 2 రూల్)
ఇదిలా ఉంటే.. సంక్రాంతి కానుకగా జనవరి 10న రామ్‌చరణ్‌, శంకర్‌ కాంబినేషన్‌లో దిల్‌ రాజు నిర్మాణం ‘గేమ్ ఛేంజర్‌’ (గేమ్ ఛేంజర్‌) విడుదల కాబోతోంది. పుష్ప2తో కంపేర్‌ చేస్తే గేమ్ ఛేంజర్‌కి ఉన్న హైప్ అంతంత మాత్రమే అనేది అందరికీ తెలిసిన విషయమే. పుష్ప పెద్ద హిట్‌ అవ్వడం, ఉత్తమనటుడిగా అల్లు అర్జున్ నేషనల్‌ అవార్డు అందుకోవడం నవల పుష్ప2పై ఎక్కువ ప్రభావం చూపించడంతో విపరీతమైన హైప్ వచ్చింది. కానీ, గేమ్ ఛేంజర్‌పై ప్రేక్షకుల్లో సాధారణ అంచనాలు మాత్రమే ఉన్నాయి. మరోపక్క డైరెక్టర్ శంకర్‌ చేసిన భారతీయుడు2 భారీ డిజాస్టర్‌ కావడం కూడా రామ్‌చరణ్‌కి మైనస్‌ అయింది. ఏ విధంగా చూసినా గేమ్‌ఛేంజర్‌కి రికార్డు స్థాయిలో కలెక్షన్స్‌ ఉండవు అనేది వాస్తవం.
గేమ్ ఛేంజర్‌కి కలెక్షన్ల పరంగా మరో షాకింగ్‌ న్యూస్ కూడా సర్క్యులేట్‌ అవుతోంది. పుష్ప2 రిలీజ్ ముందురోజు బెనిఫిట్‌ షో ప్రదర్శించిన సంధ్య థియేటర్‌లో జరిగిన దుర్ఘటన కారణంగా ఇకపై బెనిఫిట్‌ షోలకు పర్మిషన్స్‌ ఇవ్వబోం అని సినిమాటోగ్రఫీ మినిస్టర్‌ కోమటిరెడ్డి వెంకటరెడ్డి ప్రకటించడం గేమ్ ఛేంజర్‌ యూనిట్‌కి ఆందోళన. ప్రస్తుతం స్టార్ హీరోల సినిమాల మనుగడ మొదటి వారం టికెట్ రేట్లను పెంచడం, బెనిఫిట్‌ షోలు వేయడం వంటి వాటిపైనే ఆధారపడి ఉంది. మంత్రి చెప్పిన దాన్ని బట్టి బెనిఫిట్‌ షోలకు పర్మిషన్స్‌ ఉండవు. అలాగే టికెట్ ధరల పెంపు విధానం, అదనపు షోలు వంటి వాటిపై కూడా ఒక నిర్ణయం తీసుకునే అవకాశం ఉంది. అదే జరిగితే గేమ్ ఛేంజర్‌కి కోలుకోలేని దెబ్బ అవుతుంది. ఇప్పటికే ఈ సినిమా నిర్మాణపరంగా చాలా ఆలస్యమైంది. దానికితోడు బడ్జెట్‌ కూడా విపరీతంగా పెరిగిపోవడంతో నిర్మాత తన ఆశలన్నీ మొదటివారం తమ సినిమాకి జరిగే బెనిఫిట్‌పైనే ఆశలు పెట్టుకున్నారు. ఇక అలాంటి బెనిఫిట్స్‌పై ఆశలు పెట్టుకోవద్దని మంత్రి చేసిన ప్రకటన వల్ల అర్థమవుతోంది. మొదటి రోజు కలెక్షన్స్‌తోనే పుష్ప2 రికార్డులు సృష్టించింది. ఫుల్ రన్‌లో కూడా కొత్త రికార్డులు క్రియేట్ చేసే అవకాశం అందుబాటులోకి వచ్చింది. ఏ రకంగా చూసినా ఇది గేమ్‌ఛేంజర్‌కి పెద్ద దెబ్బ అనేది స్పష్టంగా చూపిస్తుంది.
