ప్రపంచంలోని పలు భాషల్లో ఇండియన్ సినిమాలు రిలీజ్ అవ్వడం ఇప్పుడు సర్వసాధారణం అయిపోయింది. ముఖ్యంగా దక్షిణాది సినిమాలకు ఇతర దేశాల్లో కూడా మంచి ఆదరణ లభిస్తోంది. బాహుబలితో తెలుగు సినిమా సత్తా ఏమిటో ప్రపంచానికి తెలిసింది. ఈ సినిమా చైనా, జపాన్ భాషల్లో కూడా విడుదలైన విషయం తెలిసిందే. ఆ తర్వాత ఆర్ఆర్ఆర్ కూడా జపాన్ భాషల్లో విడుదలైంది. తాజాగా ప్రభాస్, నాగ్ అశ్విన్ కాంబినేషన్లో రూపొందించిన ‘కల్కి 2898ఎడి’ జపాన్ భాషలోకి డబ్ చేసి విడుదల చేయబోతున్నారు. జనవరి 3న దాదాపు 200 థియేటర్లలో విడుదల చేయడానికి ప్లాన్ చేశారు. అలాగే రష్యా, చైనాలలో కూడా కల్కి’ రిలీజ్ చేయబోతున్నారు.
సూపర్స్టార్ రజినీకాంత్కి కూడా జపాన్లో మంచి ఫ్యాన్ పాలోయింగ్ ఉంది. ఆయన నటించిన ఎన్నో సినిమాలు అక్కడ విడుదలై ఘనవిజయం సాధించాయి. ఈమధ్యకాలంలో బాహుబలి చిత్రం జపాన్లో భారీ కలెక్షన్స్ వచ్చాయి. ఆ తర్వాత దాన్ని ఆర్ఆర్ఆర్ క్రాస్ చేసింది. కల్కి చిత్రం ఉన్న పాపులారిటీని బట్టి బాహుబలి, ఆర్ఆర్ఆర్ కలెక్షన్స్ని కూడా దాటి వెళ్ళే అవకాశం ఉంది. కల్కి జపాన్లో విడుదల చేస్తున్నట్టు ఒక ఎనౌన్స్మెంట్ పోస్టర్ను విడుదల చేసింది వైజయంతి మూవీస్ సంస్థ.
