తన సినిమాల్లోని ఐటమ్‌ సాంగ్స్‌కి సుకుమార్‌ ఎంత ఇంపార్టెన్స్‌ ఇస్తారో ప్రత్యేకంగా చెప్పక్కర్లేదు. దాన్ని దృష్టిలో ఉంచుకొని మ్యూజిక్ డైరెక్టర్‌ దేవిశ్రీప్రసాద్‌ వీరిద్దరి కాంబినేషన్‌లో వచ్చే ప్రతి సినిమాలోనూ ఒక అద్భుతమైన ఐటమ్‌ సాంగ్‌ని క్రియేట్ చేస్తారు. తాజాగా అల్లు అర్జున్, సుకుమార్‌ కాంబినేషన్‌లో రూపొందుతున్న ‘పుష్ప2’ చిత్రంలో కూడా అలాంటి ఓ స్పెషల్‌ నెంబర్‌ క్రియేట్ చేశారు. ఈ పాటను ఎవరితో చెయ్యాలి అనే విషయంలో చాలా తర్జన భర్జనలు జరిగిన తర్వాత టాలీవుడ్‌లో ఇప్పుడు టాప్ హీరోయిన్‌గా వెలుగొందుతున్న శ్రీలీలను ఎంపిక చేశారు.
శ్రీలీల డాన్స్ అంటే ఇష్టపడని వారు ఉండరు. ఎంతటి రిస్కీ స్టెప్స్‌ అయినా అవలీలగా చేయగల శ్రీలీలకు ఈ ఐటమ్‌ సాంగ్ పర్‌ఫెక్ట్‌ యాప్ట్‌ అంటున్నారు. ఈ స్పెషల్‌ సాంగ్ షూటింగ్‌ను ఇటీవల ప్రారంభించారు చిత్ర యూనిట్. గత ఐదురోజులుగా ఈ పాటను షూట్ చేస్తున్నారు. ఈ ఐటమ్‌ సాంగ్ పేరు ‘కిస్సిక్’. ‘పుష్ప’ చిత్రంలో సమంత చేసిన ‘ఊ అంట మావా..’ సాంగ్ ఎంత సెన్సేషన్ క్రియేట్ చేసిందో అందరికీ తెలిసిందే. ఇప్పుడు ‘పుష్ప2’లోని కిస్సిక్ సాంగ్ అంతకుమించిన స్థాయిలో ఉండాలని కృషి చేస్తున్నారు. ఇదిలా ఉంటే.. ఈ పాటలోని ఒక స్టిల్‌ నెట్టింట సందడి చేస్తోంది. ఈ స్టిల్‌లో అల్లు అర్జున్, శ్రీలీల లుక్ చూసిన వారు డెఫినెట్‌గా ఈ సాంగ్ మరో సంచలనం సృష్టిస్తుందని కాన్ఫిడెంట్‌గా చెబుతున్నారు.
‘పుష్ప2’ కోసం ప్రేక్షకులు, అభిమానులు ఎంతో ఈగర్‌గా వెయిట్ చేస్తున్నారు. మొదట ఆగస్ట్ 15న ఈ రిలీజ్ చెయ్యాలని మేకర్స్ భావించారు. కానీ, అప్పటికి ఇంకా షూట్ చేయాల్సిన పార్ట్‌ చాలా ఉండటంతో రిలీజ్‌ను వాయిదా వేశారు. ఫైనల్‌గా డిసెంబర్ 5న ఈ థియేటర్లలోకి తీసుకొస్తున్నారు. పాన్‌ ఇండియా మూవీగా పలు భాషల్లో వరల్డ్‌వైడ్‌గా రిలీజ్ కాబోతున్న ఈ సినిమాపై అంచనాలు భారీగానే ఉన్నాయి. మైత్రి మూవీ మేకర్స్ పతాకంపై నవీన్‌ ఎర్నేని, వై. రవిశంకర్‌ ఈ సినిమా కలెక్షన్ల పరంగా కూడా కొత్త రికార్డులు క్రియేట్ చేసే అవకాశం ఉందని ట్రేడ్‌ వర్గాలకు ఉంది. ఇప్పటికే రిలీజ్ అయిన టీజర్, రెండు పాటలు సెన్సేషన్ క్రియేట్ చేస్తూ సినిమాపై అంచనాలను భారీగా పెంచుతున్నాయి.
