దివంగత నందమూరి హరికృష్ణ(hari krishna)మనవడు తారకరామారావు(tharaka ramarao)హీరోగా ఇండస్ట్రీకి పరిచయం కాబోతున్న విషయం అందరికి తెలిసిందే. ఈ విషయాన్నీ ఆ చిత్రాన్ని తెరకెక్కిస్తున్న వైవీఎస్ చౌదరి(yvs chowdary)కొన్ని రోజుల క్రితం వెల్లడి చేసాడు. న్యూ టాలెంట్ రోర్స్ పై ఆయన సతీమణి గీత ఆకట్టుకుంటుంది.
రీసెంట్ గా దర్శకుడు చౌదరి ఒక మీడియా సమావేశం ఏర్పాటు చేసి తన చిత్ర హీరో తారకరామారావు ని పరిచయం చేసాడు. దీంతో ఇప్పుడు తారకరామారావు కి సంబంధించిన పిక్స్ అన్నీ కూడా నందమూరి అభిమానులనే కాకుండా ప్రేక్షకులని ఎంతగానో ఆకట్టుకుంటున్నాయి.నందమూరి లెగసి ని కంటిన్యూ చెయ్యబోయే పర్ఫెక్ట్ కట్ అనే మాటలు కూడా వినిపిస్తున్నాయి.ఈ సందర్భంగా చౌదరి మాట్లాడుతూ సీనియర్ ఎన్టీఆర్ పై ఉన్న ప్రోత్సాహంతో ఇండస్ట్రీ కి వచ్చి ఆయన ప్రోత్సాహం వల్లే ఇప్పుడు ఈ స్థాయిలో ఉన్నాను. తన ముని మనవడు తారకరామారావు రూపంలో పెద్దాయన రామారావు గారు మరో సారి మనముందుకు వస్తున్నారు.
ఎన్టీఆర్(ntr)అనే పేరు మూడక్షరాల తారక మంత్రం.ఆరడుగుల రూపం నా హీరో తారకరామారావు ది. నందమూరి కుటుంబం నుంచి పూర్తి ఆశీస్సులు మా హీరోకి అందించాలని కోరుకుంటున్నాను.నేను అందరి హీరోల అభిమానులను ఆప్యాయంగా పలకరిస్తాను.నేను ఇప్పటి వరకు పరిచయం చేసిన హీరోలందరని ప్రేక్షకులు ఆదరించారు.ఆ విధంగానే ఈ తారకరామారావు కూడా ఆదరించాలని చెప్పారు. ఈ కార్యక్రమంలో దర్శకుడు రాఘవేంద్ర రావు, అశ్వని దత్ తో పాటు పలువురు సినీ ప్రముఖులు ఉన్నారు.
