ఎంతో ఆసక్తికరంగా సాగుతున్న బిగ్బాస్ సీజన్‌ 8లో అందర్నీ షాక్‌కి గురిచేసే ఘటన జరిగింది, బిగ్బాస్ హౌస్‌లో గంగవ్వకు హార్ట్ ఎటాక్ వచ్చిందనే వార్త మీడియాలో బాగా స్ప్రెడ్‌ అయింది. ఈ వార్త చాలా వేగంగా వైరల్ అయిపోయింది. అయితే ఈ వార్తలో ఎంత నిజం ఉందో.. ఇది కేవలం రూమర్ మాత్రమేనని సూచిస్తుంది.
వివరాల్లోకి వెళితే… ఈ సీజన్‌లో వైల్డ్ కార్డ్‌ ఎంట్రీతో ఆరవ వారం వైల్డ్ కార్డు ద్వారా ఎనిమిది మంది మాజీ బిగ్బాస్ కంటెస్టెంట్స్‌ను హౌస్‌లోకి ఎంట్రీ ఇచ్చిన విషయం తెలిసిందే. వైల్డ్ కార్డు ద్వారా ఏంట్రీ ఇచ్చిన కంటెస్టెంట్లలో గంగవ్వ.. తనకు గుండె దడగా ఉందని చెప్పిందట. ఆ ఒక్క పాయింట్ తీసుకొని గంగవ్వకు గుండెపోటు అంటూ ప్రచారం జరిగింది. వాస్తవానికి అక్కడ అలాంటి ఘటన ఏమీ జరగలేదని తెలుస్తోంది. గంగవ్వ పూర్తి ఆరోగ్యంగా, ఎంతో ఉత్సాహంగా ఉన్నారని సమాచారం అందుతోంది. వయసు మీద పడిన తర్వాత ఏ పని చెయ్యకుండా ఇంట్లోనే ఉంటారు కొందరు వృద్ధులు. కానీ, అది తప్పు అని ప్రూవ్ చేసింది గంగవ్వ.
