.WEBP)
మహేష్‌, రాజమౌళి కాంబినేషన్‌లో రూపొందించబడిన సినిమాపై మొదటి నుంచీ ప్రేక్షకుల్లో క్యూరియాసిటీ ఉంది. ఇప్పటివరకు ఈ ప్రాజెక్ట్‌కి సంబంధించి ఎలాంటి అప్‌డేట్ లేకపోవడంతో అది మరింత పెరిగిందనే చెప్పాలి. ‘ఆర్‌ఆర్‌’ తర్వాత రాజమౌళి చేయబోయే నెక్స్‌ట్‌ ప్రాజెక్ట్‌ SSMB29 అని తెలియడంతో అంచనాలు భారీ స్థాయిలో పెరిగాయి. ఈ సినిమాకి సంబంధించిన సబ్జెక్ట్‌ రెడీ అవుతోందనే వార్త మాత్రమే ఇప్పటివరకు అందరికీ తెలుసు. మరో పక్క మహేష్‌ గెటప్‌ ఇప్పటివరకు ఏ సినిమాలోనూ చూడని విధంగా ఉండటం కూడా ఎక్స్‌పెక్టేషన్‌లు భారీగా పెరగడానికి కారణమైంది. విజయేంద్రప్రసాద్‌ ఈ కథను పూర్తి స్థాయిలో రెడీ చేశారన్న సమాచారం అందుతోంది. ఈ ఏడాది చివర్లో ఈ సినిమా సెట్స్‌పైకి వెళ్ళే అవకాశం ఉంది. ఫారెస్ట్ బ్యాక్‌డ్రాప్‌లో.. ముఖ్యంగా ఆఫ్రికా అడవుల నేపథ్యంలో ఈ సినిమా కనిపిస్తోంది. ఇదిలా ఉంటే.. తాజాగా రాజమౌళి ‘గ్లోబరెట్టాన్’ అనే పదాన్ని వైరల్ చేస్తున్నారు.
రాజమౌళి లీక్ చేసిన ఆ పదాన్ని చూస్తే ఫారెస్ట్‌మెన్, జంగల్‌బుక్ తరహాలో ఈ సినిమా ఉండబోతోందా అనే సందేహం కలుగుతోంది. అయితే ఇంతకుముందు హరిసన్ ఫోర్డ్ కథానాయకుడిగా రూపొందించిన ఇండియానా జోన్స్ సిరీస్ తరహాలో ఈ సినిమా ప్రచారం జరిగింది. దానికి తగ్గట్టుగానే మహేష్‌ లుక్‌ కూడా ఉందని అందరూ అనుకున్నారు. లాంగ్‌ హెయిర్‌, గుబురు గడ్డంతో ఒక స్పెషల్‌ గెటప్‌తో హాలీవుడ్ సినిమా హీరో రేంజ్‌లో కనిపిస్తున్నాడు మహేష్‌. ప్రస్తుతం అందుతున్న సమాచారం ప్రకారం మహేష్‌ గెటప్‌పరంగా పూర్తి స్థాయిలో సిద్ధంగా కాలేదని తెలుస్తోంది. అందుకే సినిమా ప్రారంభం కూడా ఆలస్యమవుతోంది. రాజమౌళి విజన్‌లోని లుక్‌లోకి మహేష్‌ రావడానికి ఇంకా సమయం పట్టే అవకాశం ఉంది.
‘ఆర్‌ఆర్‌’ రిలీజ్‌ అయి రెండు సంవత్సరాలు అవుతున్నా.. రాజమౌళి తన నెక్స్‌ట్‌ ప్రాజెక్ట్‌ని సెట్స్‌పైకి తీసుకెళ్ళలేకపోయారు. ఇప్పటివరకు ఎన్టీఆర్‌, ప్రభాస్‌, రామ్‌చరణ్‌ వంటి హీరోలతో భారీ సినిమాలు చేసిన రాజమౌళి ఫస్ట్‌టైమ్‌ మహేష్‌తో చేస్తున్న సినిమా కావడంతో సహజంగానే అంచనాలు భారీగా ఉన్నాయి. దానికి తగ్గట్టుగానే సినిమాని హాలీవుడ్ రేంజ్‌లో చెయ్యాలని రాజమౌళి అందుకు తగ్గట్టుగానే. అందుకే ఆలస్యమైనా ఫర్వాలేదు.. తను అనుకున్న విధంగా మహేష్‌ లుక్‌ వచ్చిన తర్వాతే సినిమాను ప్రారంభించాలని చూస్తున్నారు. ఇక ఈ సినిమా కోసం దేశంలోని ప్రముఖ ఇండస్ట్రీల్లోని నటినటులను, హాలీవుడ్‌కి చెందిన నటినటుల్ని ఎంపిక చేసుకోవాలని రాజమౌళి ప్రకటించారు. ‘ఆర్‌ఆర్‌’ చిత్రంలో లెక్కకు మించిన జంతువుల్ని క్రియేట్‌ చేసిన విషయం తెలిసిందే. ఇప్పుడు మహేష్‌తో చేసే సినిమా ఫారెస్ట్ బ్యాక్‌డ్రాప్ కాబట్టి జంతువులు కూడా ఎక్కువ సంఖ్యలో ఉంటాయని తెలుస్తోంది. ఏది ఏమైనా.. సినిమాలకు ఏమాత్రం తగ్గకుండా తన విజన్‌తో ఒక విజువల్‌ వండర్‌గా ఈ చిత్రాన్ని రూపొందించేందుకు రాజమౌళి కృషి చేస్తున్నారు.
