- ఆయా పాఠశాలల నిర్వహణ, బోధనకు మీరే పూర్తి బాధ్యత వహించాలి
- పాఠశాలల సందర్శనతోనే సమస్యల పరిష్కారం
- ప్రతి కార్యదర్శి ప్రతి రోజు ఓ గురుకులాన్ని సందర్శించాలి
- నెలరోజుల తర్వాత సమస్యలపై నివేదిక ఇవ్వాలి
- ఇకపై ఎమ్మెల్యేలు, ఎమ్మెల్సీలూ రెసిడెన్షియల్ స్కూళ్లు సందర్శిస్తారు
- మెస్ చార్జీల పెంపుపై కసరత్తు పూర్తి చేయాలి
- ప్రైవేట్ భవనాల అద్దె వెంటనే చెల్లించండి
- ప్రభుత్వ రెసిడెన్షియల్ విద్యాసంస్థల కార్యదర్శులతో సమీక్షలో డిప్యూటీ సీఎం భట్టి
ముద్ర, తెలంగాణ బ్యూరో : ప్రభుత్వ రెసిడెన్షియల్ విద్యాసంస్థల్లో నెలకొన్న సమస్యల పరిష్కారం.. నాణ్యమైన విద్య కోసం ఆయా యాజమాన్యాల కార్యదర్శులు క్షేత్రస్ధాయి పర్యటనలు ప్రారంభించాలని డిప్యూటీ సీఎం భట్టి విక్రమార్క సూచించారు. మరోవైపు ఆయా సొసైటీల్లో విద్య గాడిలో పడేలా ఎమ్మెల్యేలు, ఎమ్మెల్సీలు సైతం ఇకపై గురుకులాలను సందర్శిస్తారని. మంగళవారం రాష్ట్ర సచివాలయంలో జరిగిన ప్రభుత్వ రెసిడెన్షియల్ విద్యాసంస్థల కార్యదర్శులతో ఆయన సమీక్ష సమావేశం జరిగింది. ఈ సందర్భంగా భట్టి మాట్లాడుతూ.. బోధన జరుగుతున్న తీరుపై నిపుణులతో పరిశీలించి ఉపాధ్యాయులకు అవసరమైన సూచనలు, సలహాలు ఇప్పించాలని సూచించారు. విద్యార్థుల మెస్, కాస్మోటిక్స్ బిల్లులు పెండింగ్ లేకుండా బిల్లు చెల్లిస్తున్నామన్న ఆయన అధికారులు ఈ విషయాలకే పరిమితం కాకుండా బోధనలో నాణ్యతను పెంచడానికి అవసరమైన చర్యలను పరిశీలించారు. టీచింగ్, లెర్నింగ్, మెటీరియల్ వినియోగం పెంచాలన్నారు.
కంప్యూటర్లు, సైన్స్ ఇతర ల్యాబ్ల వినియోగాన్ని విస్తృతం చేయాలన్నారు. రెసిడెన్షియల్ విద్యాసంస్థల సెక్రటరీలు క్షేత్రస్థాయిలో పర్యటిస్తూ ప్రతిరోజు ఒక పాఠశాలను సందర్శించాలన్నారు. వెళ్ళామా, అన్న పద్ధతిలో కాకుండా సగం పూట అక్కడే ఉండి అన్ని రకాల విషయాలను సమీక్షించాలని. నెలాఖరులోగా కార్యదర్శులు ఎన్ని విద్యాసంస్థలను సందర్శించారు, ఏ అంశాలను గమనించారు, ఏ చర్యలు నిర్వహించాలని నివేదించారు. కార్యదర్శులు సమస్యలను పరిష్కరించడం ద్వారా సిబ్బందికి భరోసా ఏర్పడుతుందని భట్టి చెప్పారు. ప్రాథమికంగా అద్దె భవనాల్లో ఉన్న రెసిడెన్షియల్ పాఠశాలలపై ప్రత్యేక దృష్టి సారించాలన్నారు. అద్దె భవనాల యజమాలతో మాట్లాడి ఒప్పందం మేరకు విద్యాసంస్థ భవనంలో అన్ని సౌకర్యాలు కల్పించేలా వెంటనే చర్యలు చేపట్టాలని కార్యదర్శులను ఉంచారు.
అద్దె భవనాల కిరాయి బిల్లుల పెండింగ్‌లపై సమీక్షించి.. నిధుల విడుదలకు వెంటనే ఆదేశాలు జారీ చేశారు. ప్రభుత్వ రెసిడెన్షియల్ విద్యాసంస్థలను సందర్శించాలని ఎమ్మెల్యేలు, ఎమ్మెల్సీలకు సమాచారం ఇచ్చినట్లు భట్టి విక్రమార్క తెలిపారు. వారు విజిట్ చేసిన సమయంలో స్థానికంగా ఉన్న సమస్యలపై నేరుగా రెసిడెన్షియల్ విద్యాసంస్థల కార్యదర్శినే పరిశీలనలో పెట్టుకోవాలన్నారు. ధరలకనుగూణంగా ప్రభుత్వ రెసిడెన్షియల్ విద్యాసంస్థల్లోని విద్యార్థుల మెస్ చార్జీలు పెంచాలనే నిర్ణయం తీసుకున్నామన్నారు. ఈ సంబంధిత అధికారుల సమావేశమై అన్ని రకాల వస్తువులను పరిశీలించి మెస్ ఛార్జీల పెంపుపై త్వరితగతిన నిర్ణయం తీసుకోవడం. మెస్ చార్జీలతో పాటు కాస్మోటిక్స్, టూటర్ల చార్జీల పెంపు పైన నిర్ణయం తీసుకోవాలన్నారు. ఈ సమీక్షలో స్పెషల్ చీఫ్ సెక్రటరీ రామకృష్ణారావు, విద్యాశాఖ ప్రిన్సిపల్ సెక్రటరీ బుర్ర వెంకటేశం, ఫైనాన్స్ ప్రిన్సిపల్ సెక్రటరీ సందీప్ కుమార్ సుల్తానియా, డిప్యూటీ సీఎం స్పెషల్ సెక్రటరీ కృష్ణ భాస్కర్, రెసిడెన్షియల్ పాఠశాలల సెక్రటరీలు సైదులు, తఫ్సీల్ ఇక్బాల్, సీతాలక్ష్మి ఉన్నారు.
