- టెండర్ల ప్రక్రియను సత్వరమే పూర్తి చేయాలి
- భూసేకరణ అంశంలో అలసత్వం వొద్దు
- సాంకేతిక అనుమతుల విషయాలలో అధికారులు సమన్వయం చేసుకోవాలి
- పాలనాపరమైన అనుమతులలో వేగం పెంచాలి
- నిర్ణిత గడువు లోపు నిర్మాణాలు పూర్తి కావాలి
ముద్ర, తెలంగాణ బ్యూరో :- సీతారామ ప్రాజెక్ట్ ను త్వరితగతిన పూర్తి చేయడం సంబంధిత శాఖ అధికారులను రాష్ట్ర నీటిపారుదల శాఖ మంత్రి ఉత్తమ్ కుమార్ రెడ్డి అధికారులను నియమించారు. గత నెల 15న ముఖ్యమంత్రి రేవంత్‌రెడ్డి చేతుల మీదుగా ఈ ప్రాజెక్ట్‌కి సంబంధించిన టన్నెల్, కాలువల నిర్మాణ పనులకు సంబంధించి శుక్రవారం ఎర్రమంజిల్ కాలనీలోని జలసౌదలో సహచర మంత్రులు తుమ్మల నాగేశ్వరరావు, పొంగులేటి శ్రీనివాసరెడ్డిలతో కలిసి నీటిపారుదల శాఖాధికారులతో సమీక్ష నిర్వహించారు.
ఈ సందర్భంగా ఉత్తమ్ కుమార్ రెడ్డి మాట్లాడుతూ భూసేకరణ అంశంపై అలసత్వం చేయవద్దని మంత్రి సూచించారు. అందుకు పాలనా పరమైన అనుమతులలో జాప్యం లేకుండా చూసుకోవాలన్నారు. సాంకేతికాంశాలలో అధికారులు పరస్పరం సమన్వయం చేసుకోవాలన్నారు.ముఖ్యమంత్రి ఇచ్చిన మాట ప్రకారం నిర్ణిత గడువు లోపు ప్రాజెక్ట్ నిర్మాణం పూర్తి చేయాలన్నారు. ఈ సమావేశంలో రాష్ట్ర ప్రభుత్వ నీటిపారుదల శాఖా సలహాదారుడు ఆదిత్యా దాస్ నాధ్, ముఖ్య కార్యదర్శి రాహుల్ బొజ్జా, ప్రత్యేక కార్యదర్శి ప్రశాంత్ జీవన్ పాటిల్, ఈఎన్ సీ లు అనిల్ కుమార్,నాగేందర్ రావులతో పాటు సీతారామ ప్రాజెక్ట్ సీఐ శ్రీనివాసరెడ్డి, ఖమ్మం జిల్లా సీఐ విద్యాసాగర్ కొనసాగుతున్నాయి.
