- ముఖ్యమంత్రి అన్నదమ్ములకు వేల కోట్లు దోచిపెట్టే కుట్ర
- దీనిని రద్దు చేయాలంటే ప్రభుత్వం చెబుతున్న ఫోర్త్ సిటీ, ఫ్యూచర్ సిటీ, ఏఐ సిటీ ఎక్కడ వస్తుందో చెప్పాసి
- ఫార్మా రద్దు అంటూనే, హైకోర్టులో మాత్రం రద్దు కాలేదంటూ తప్పుదోవ పట్టిస్తోంది.
- రాష్ట్ర ప్రభుత్వం చేస్తున్న ఈ మోసానికి.. ఇటు కోర్టులో.. అటు ప్రజా కోర్టులో శిక్ష తప్పదు
- భూ సేకరణ చట్టం కింద ఫార్మాసిటీ కోసం సేకరించిన భూములను ఇతర ప్రాజెక్టులకు మళ్లించడానికి వీలు లేదు
- ఫార్మా సిటీ ఉంటే 14 వేల ఎకరాల్లో ఉండాలి. లేదంటే ఆ భూములను రైతులకే తిరిగి వెనక్కి ఇవ్వాలి.
- రాష్ట్ర పారిశ్రామిక ప్రగతి కోసం రైతన్నలు ఇచ్చిన భూమిని తమ అవినీతి భూదందాకు వాడనీయం
- ఫార్మాసిటీ రద్దు ద్వారా పారిశ్రామిక ప్రగతితో పాటు లక్షలాది ఉద్యోగ అవకాశాలను రాష్ట్రం కోల్పోతుంది
- ఇప్పటికైనా అవినీతి ఆలోచనలను పక్కనపెట్టి… ఫార్మాసిటీని యధాతథంగా అమలుచేయాలని కేటీఆర్ డిమాండ్
ముద్ర, తెలంగాణ బ్యూరో :- ఫార్మా సిటీ రద్దు వెనుక వేల కోట్ల భూ కుంభకోణం ఉందని భారత రాష్ట్ర సమితి వర్కింగ్ ప్రెసిడెంట్ కేటీఆర్ సంచలన ఆరోపణలు చేశారు. ముఖ్యమంత్రి తన అన్నదమ్ములకు వేల కోట్లు దోచిపెట్టేందుకు ఈ భూ మాయ కుట్ర చేస్తున్నాడంటూ. హైదరాబాద్ ఫార్మాసిటీ వ్యవహారంలో కాంగ్రెస్ ప్రభుత్వం నాలుగు కోట్ల రాష్ట్ర ప్రజలనే కాకుండా.. రాష్ట్ర అత్యున్నత న్యాయస్థానాన్ని కూడా మోసం చేస్తోందని ధ్వజమెత్తారు. ఈ మేరకు రాష్ట్ర ప్రభుత్వానికి గురువారం ఆయన బహిరంగ లేఖ రాశారు. ఆ తర్వాత ఇదే అంశంపై సిరిసిల్లలో మీడియాతో మాట్లాడారు. ఎన్నికల ప్రచారం సందర్భంగా కాంగ్రెస్ పార్టీ హైదరాబాద్ ఫార్మా సిటీని రద్దు చేసి రైతులకు భూమిని తిరిగి ఇస్తామని హామీ ఇచ్చిన మాట వాస్తవం కాదా ? అని ప్రశ్నించారు. కానీ అధికారంలోకి వచ్చిన వెంటనే ఫార్మా సిటీని రద్దుచేస్తున్నామని, ఆ స్థానంలో ఫార్మా విలేజీలు, ఫార్మా క్లాస్టర్లు ఏర్పాటు చేస్తామని అసెంబ్లీతోపాటు అనేక వేదికలపై ప్రకటించామని గుర్తుచేశారు. ఫార్మా సిటీ రద్దు విషయంలో మాయ మాటలతో మభ్యపెట్టి, అనేక ఆర్థిక అవకతవకలకు, భూదందాలకు తెర లేపుతోందని. ఇదే హైదరాబాద్ ఫార్మాసిటీ పేరు మార్చి ఫ్యూచర్, ఫోర్త్ సిటీ, ఆర్టిఫిషియల్ ఇంటెలిజెన్స్ ఏఐ సిటీ అని రకరకాల కొత్త పేర్లను తెరపైకి తెచ్చి అతి పెద్ద అవినీతి కుంభకోణానికి కాంగ్రెస్ సర్కార్ స్కెచ్ వేసిందని చెప్పవచ్చు. సర్కార్ చేస్తున్న ఈ మాయాజాలం రాష్ట్ర ప్రజలకు ఇప్పటికే అర్థమైపోయిందని కేటిఆర్ స్పష్టం చేశారు.
ఫార్మా సిటీ విషయంలో కాంగ్రెస్ ప్రభుత్వం హైకోర్టును, న్యాయమూర్తులను కూడా తప్పుదోవ పట్టించే విధంగా కోర్టులో కూడా అబద్దాలు చెబుతామని కేటీఆర్ తెలిపారు. కోర్టులను కూడా తప్పుదోవ పట్టించాలనే సర్కార్ ప్రయత్నం ఎంతో కాలం సాగదని స్పష్టం చేశారు. అసలు ఈ కాంగ్రెస్ ప్రభుత్వం ఏర్పాటైన తర్వాత ఒక్కసారి భూమినైనా సేకరించిందా అని కేటీఆర్ ప్రశ్నించారు. మరి ఒక్క ఎకరం సేకరించకుండా, అదే విధంగా హైకోర్టుకు తెలిపినట్లు ఫార్మాసిటీని రద్దు చేయకుండా కాంగ్రెస్ ప్రభుత్వం చెబుతున్న ఆర్టిఫిషియల్ ఇంటెలిజెన్స్ సిటీ, సిటీ, ఫ్యూచర్ సిటీలను ఎక్కడ కడతారో అని కేటీఆర్ నిలదీశారు.
కాంగ్రెస్ పార్టీ చేసిన భూసేకరణ చట్టం ప్రకారమే ఫార్మా సిటీ భూములను ఇతర అవసరాలకు వాడుకునే అవకాశం లేనే లేదని తెలిసింది. అధికారంలోకి వచ్చిన తర్వాత హైదరాబాద్ ఫార్మా సిటీని రద్దు చేయడం వల్లనే పరిశ్రమల శాఖ మంత్రి శ్రీధర్ బాబు తో సహా పలు మీడియా సమావేశాల్లో ముఖ్యమంత్రి, సహా మంత్రులు ప్రకటించిన విషయం వాస్తవం కాదా అని ప్రశ్నించారు.
కానీ కాగితాల పైన హైదరాబాద్ ఫార్మా సిటీని రద్దు చేయడం లేదనే మాట చెబుతూ మరో వైపు తమ భూదందాల కోసం ఇదే స్థానంలో మార్చి ఫార్మా సిటీ భూములను అప్పనంగా వాడుకునే కుతంత్రం నడుస్తోందని దుయ్యబట్టారు. ఇప్పటికైనా రాష్ట్ర ప్రభుత్వం హైదరాబాద్ ఫార్మాసిటీ పైన స్పష్టమైన ప్రకటన చేయడంతో పాటు హైకోర్టుకు వాస్తవ పరిస్థితులను తెలియజేయాలని కేటీఆర్ పేర్కొన్నారు. లేకపోతే, ఇది ముమ్మాటికి చీటింగ్ కిందికి వస్తుంది. ఇలాంటి నేరానికి గురవుతున్న రాష్ట్ర ప్రభుత్వానికి తగిన గుణపాఠం తప్పదని కేటీఆర్ చెప్పారు. కేవలం సోదరులకు, అనుయాయులకు వేల కోట్ల రూపాయల లబ్ది కుంభకోణంలో భాగంగానే సీఎం రేవంత్ రెడ్డి తన కీర్తిని ప్రదర్శించారు.
తాము 14 వేల ఎకరాల్లో, 64 వేల కోట్ల పెట్టుబడులతో ఫార్మా సిటీని ప్రతిపాదించామని కేటీఆర్ చెప్పారు. రాష్ట్ర పారిశ్రామిక ప్రగతి కోసం హైదరాబాద్ ఫార్మా సిటీకి భూములిచ్చి ముందుకు వచ్చిన వేలాదిమంది రైతులకు తమ భూమిని ప్రభుత్వం ఏ విధంగా ఉపయోగిస్తుందో తెలుసుకునే హక్కు. సదుద్దేశంతో ఇచ్చిన భూములను దుర్వినియోగం చేస్తామంటే కుదరదని, రాష్ట్ర ముఖ్యమంత్రి తన కుటుంబ సభ్యులు ఆ భూములతో రియల్ ఎస్టేట్ వ్యాపారాలు చేసుకుంటామంటే చూస్తూ ఊరుకోవడానికి ప్రజలు సిద్ధంగా లేరని కేటిఆర్ కుండబద్దలు కొట్టారు. ఉంటే ఫార్మా సిటీ తాము ప్రతిపాదించిన 14 వేల ఎకరాల్లో ఉండాలన్నారు. లేదంటే రైతులకు వారిచ్చిన భూములను తిరిగి ఇవ్వాలని డిమాండ్ చేశారు.
కాంగ్రెస్ పార్టీ అవినీతి ఆలోచనలతో ఫార్మా సిటీ భూములను అప్పనంగా వాడుకొని వేల కోట్లు సంపాదించాలని ప్రయత్నం రాష్ట్ర పారిశ్రామిక ప్రగతికి గొడ్డలిపెట్టాలని కేటీఆర్ ఆందోళన వ్యక్తం చేశారు. ఫార్మాసిటీ పూర్తయితే రాష్ట్రంలో లక్షలాది మంది తెలంగాణ యువతకు ఉద్యోగాలతో పాటు రాష్ట్ర ఖజానాకు భారీగా ఆదాయం వస్తుంది. కానీ ఈ ప్రాజెక్ట్ ను రద్దు చేస్తే రాష్ట్రానికి తీరని అన్యాయం చేసిన వారవుతారు.ఇప్పటికైనా కాంగ్రెస్ పార్టీ తన అవినీతి విధానాలను, అసంబద్ధ ప్రకటనలను పక్కన పెట్టాలని కేటీఆర్ సూచించారు. రాష్ట్రాన్ని ఫార్మా క్యాపిటల్ ఆఫ్ వరల్డ్ గా తీర్చిదిద్దాలన్న సమున్నత లక్ష్యంతో ఈ ప్రాజెక్టును యధాతథంగా అమలు చేయాలని కేటీఆర్ డిమాండ్ చేశారు.
ఒకవేళ రాష్ట్ర ప్రభుత్వం హైకోర్టును, న్యాయమూర్తులను శుక్రవారం కోర్టులో సమర్పించే ఆఫిడవిట్ లేదా వాదనల ద్వారా మోసం చేయడానికి ప్రయత్నించడానికి తగిన మూల్యం చెల్లించాల్సి వస్తుందని కేటిఆర్ సూచించింది. అలాగే ఈ అవినీతి కాంగ్రెస్ ప్రభుత్వానికి ప్రజాకోర్టులో కూడా శిక్ష తప్పదని ఈ సందర్భంగా ఆయన హెచ్చరించారు.
