- ప్రారంభంలో 92592 దరఖాస్తులు
ముద్ర, తెలంగాణ బ్యూరో : రాష్ట్ర ప్రభుత్వం ప్రతిష్టాత్మకంగా చేపట్టిన ప్రజావాణి ఇప్పటి వరకు 5,23,940 దరఖాస్తులు అందాయి. వాటిలో 523940 దరఖాస్తులు పరిష్కరించగా, మరో 92592 దరఖాస్తులు నమోదు చేయబడ్డాయి. ప్రజావాణికి అందిన దరఖాస్తుల్లో సగానికి పైగా రేషన్ కార్డులు, ఇందిరమ్మ ఇండ్లు, ఉద్యోగాలు ఇప్పించాలనే విజ్ఞప్తులున్నాయి. ముఖ్యమంత్రి రేవంత్ రెడ్డి అధికారం చేపట్టిన రెండో రోజున ప్రజావాణి కారణంగా. అప్పట్నుంచీ 50 వారాలుగా (ఈనెల 6వ తేదీ నాటికి) నిరాటంకంగా ప్రజావాణి కార్యక్రమం సాగుతోంది.
ప్రతి మంగళవారం, శుక్రవారం మహాత్మ జ్యోతిబాఫూలే ప్రజా భవన్ లో ప్రజావాణి కార్యక్రమం జరుగుతోంది. ఇక్కడికి అర్జి రాయటం రాని వాళ్లకు కూడా ఇబ్బంది లేకుండా అధికారులు ఏర్పాట్లు చేశారు. అక్కడున్న సిబ్బంది అర్జీదారులకు సమస్యను తెలుసుకొని అర్జి రాసుకుంటున్నారు. తమ సమస్యను ఏ అందించాలో కూడా అధికారులు సాయం చేస్తున్నారు. ప్రజావాణిలో ఇచ్చే ప్రతి దరఖాస్తును అక్కడే స్కాన్ చేస్తారు. రిఫరెన్స్ ఐడీ నెంబర్ నమోదు చేసి సంబంధిత పంపిస్తారు. అర్జీదారుని ఫోన్ నెంబర్ కు ఆ పిటిషన్ కు సంబంధించిన రిఫరెన్స్ ఐడీ నెంబర్ ఎస్ఎంఎస్ చేస్తున్నారు.
ప్రజావాణిలో అర్జీదారులు తమ పిటిషన్ల స్టేటస్ ను కూడా వెబ్ సైట్ ద్వారా తెలుసుకునే వీలుంటుంది. అందుకు వీలుగా సీజీజీ ద్వారా ప్రత్యేక పోర్టల్ ను ప్రభుత్వం ఏర్పాటు చేసింది. ప్రజల అర్జీలను స్వీకరించేందుకు ప్రజావాణిలో విభాగాల వారీగా ప్రత్యేక డెస్క్ లను ఏర్పాటు చేశారు. రెవిన్యూ నుంచి తహసీల్దార్, డిప్యూటీ తహసీల్దార్, సీసీఎల్ఏ అధికారులు, పోలీస్ విభాగం నుంచి సీఐ, డీఐజీ, డీసీపీ ర్యాంకు అధికారులు, హెల్త్‌తో పాటు అన్ని సంక్షేమ శాఖల నుంచి అడిషనల్ డైరెక్టర్ స్థాయి అధికారులు ప్రజావాణి డెస్క్‌లలో ఉన్నారు. దివ్యాంగుల అర్జీల స్వీకరణకు ప్రత్యేకమైన డెస్క్ ఏర్పాటు చేశారు.
వివిధ ప్రాంతాల నుంచి తమ సమస్యలను, వినతులను చెప్పుకునేందుకు వచ్చిన ప్రజలకు రూ.5 కే భోజనం ఇక్కడ అందుబాటులో ఉంటుంది. ప్రజావాణి నోడల్ అధికారిణి దివ్య, రాష్ట్ర ప్రణాళిక సంఘం వైస్ చైర్మన్ చిన్నారెడ్డి ఈ సందర్భంగా దగ్గరుండి పర్యవేక్షిస్తున్నారు. ఈ సందర్భంగా నోడల్ అధికారిణి దివ్య మాట్లాడుతూ.. గతంలో ఒకే అర్జీదారుడు రెండు మూడు వారని, ఇప్పుడు అలాంటి పరిస్థితి లేదని అన్నారు. చాలా వేగంగా సమస్యలు పరిష్కారం అవుతున్నాయని అన్నారు. ఒకే దరఖాస్తుదారుడు ఒకే వినతిపై రెండు మూడు సార్లు ప్రజావాణికి వస్తే తెలిసిపోయేలా ఆన్‌లైన్ విధానం అమల్లో ప్రదర్శన. అర్జీదారు మొబైల్ నంబర్ నమోదు చేయగానే తన పిటిషన్ స్కాన్డ్ కాపీ అక్కడ ప్రత్యక్షమవుతుందని అన్నారు. దీంతో ఆ విజ్ఞప్తి ఏ స్థాయిలో ఉందో అర్జీదారులకు తెలియజేసి సమాచారం పంపిస్తున్నామని ఆమె చెప్పారు.
