- బాధిత రైతులకు అండగా ఉంటాం
- రైతుల కోసం బీజేపీ హెల్ప్ లైన్ నంబర్ 88886100097
- కాంగ్రెస్ హామీలన్నీ నెరవేర్చాలి
- కేంద్రమంత్రి కిషన్ రెడ్డి
ముద్ర, తెలంగాణ బ్యూరో : రాష్ట్రంలో రుణమాఫీ కాక లక్షలాది మంది రైతులు ఆందోళనలో ఉన్నారని వారికి అండగా నిలుస్తామని బీజేపీ రాష్ట్ర అధ్యక్షుడు, కేంద్రమంత్రి కిషన్ రెడ్డి భరోసా ఇచ్చారు. బుధవారం బీజేపీ రాష్ట్ర ప్రశ్న రుణమాఫీ బాధిత రైతుల పక్షాన సీఎం రేవంత్ సర్కార్ నుస్తూ తెలంగాణ పేరుతో పోస్టర్ ను కిషన్ రెడ్డి విడుదల చేశారు. ఈ సందర్భంగా బీజేపీ కిసాన్ మోర్చా ఆధ్వర్యంలో రైతుల 8886100097 అనే హెల్ప్ లైన్ నంబర్ ను ఆయన కలిగి ఉన్నారు. హెల్ప్ లైన్ నెంబర్ కు కొందరు బాధిత రైతులు ఫోన్ చేసి తమ ఆవేదనను కిషన్ రెడ్డికి చెప్పారు.
అనంతరం కేంద్రమంత్రి కిషన్ రెడ్డి మాట్లాడుతూ.. రుణమాఫీ అందని రైతుల వివరాలను సేకరించి, వారికి సాయం అందేలా కార్యచరణ రూపొందించామని తెలిపారు. గ్రామాల్లో రచ్చబండ కార్యక్రమాల ద్వారా రైతుల సమస్యలు తెలుసుకుని, వారికి న్యాయం జరిగేలా కృషి చేస్తామన్నారు. అర్హులైన రైతులకు రూ. 2 లక్షల రుణమాఫీ వెంటనే అందజేయాలని ఆయన డిమాండ్ చేశారు. అసెంబ్లీ ఎన్నికల సందర్భంగా రైతులందరినీ ఏకం చేసి రైతు డిక్లరేషన్ పేరుతో తెలంగాణ రైతులకు హామీలను కాంగ్రెస్ నేతలు గుప్పించారు. సోనియాగాంధీ, ప్రియాంకా గాంధీ, రేవంత్ రెడ్డి సహా కాంగ్రెస్ ముఖ్య నేతలందరూ రైతులకు రూ. 2 లక్షల రుణమాఫీ హామీ అధికారంలోకి వచ్చాక మోసం చేశారు కేంద్రమంత్రి కిషన్ రెడ్డి ధ్వజమెత్తారు. రైతులకు ఏకకాలంలో రూ.2 లక్షల పంట రుణమాఫీ, రైతు కూలీలకు రూ. 12 వేలు, రైతులకు రూ.3 లక్షల వడ్డీ లేని రుణాలు, అన్ని పంటలకు మద్దతు ధరతో పాటు కాంగ్రెస్ పార్టీ ఇచ్చిన హామీలను నెరవేర్చాలని ఆయన డిమాండ్ చేశారు.
రాష్ట్ర ప్రభుత్వం మద్యం అమ్మకాలు, భూముల అమ్మకాలతోనే ఆదాయం పెంచుకోవాలని ఆలోచిస్తుంటే తప్పితే, ప్రజల ఆరోగ్యం, సంక్షేమం గురించి ఆలోచించడం లేదు. ఆడబిడ్డల వివాహానికి లక్ష రూపాయల ఆర్థిక సాయంతోపాటు ఇందిరమ్మ కానుకగా తులం బంగారం ఇస్తామని హస్తం పార్టీ మేనిఫెస్టోలో పేర్కొందని, అయితే ఆ హామీ ఇంతవరకు అమలు చేయలేదన్నారు. రైతులకు మద్దతు ధరతో పాటు, నిరుద్యోగులకు జాబ్ క్యాలెండర్ ప్రకారం నోటిఫికేషన్లు రద్దు చేసి ఉద్యోగాలు భర్తీ చేసిన సీఎం రేవంత్ రెడ్డి ఇచ్చిన హామీ ఏమైందని? అని ఆయన ప్రశ్నించారు. దేశ వ్యాప్తంగా అనేక రాష్ట్రాల్లో విద్యారంగానికి 14 శాతం పైగా బడ్జెట్ కేటాయింపులు జరిపితే, తెలంగాణలో మాత్రం 7.60 శాతం మాత్రమే బడ్జెట్‌లో కేటాయింపులు జరిపిందని కేంద్రమంత్రి కిషన్ రెడ్డి. ధరణి పోర్టల్ తో భూములు కోల్పోయిన రైతుల సమస్యల పరిష్కరిస్తామని కాంగ్రెస్ నేతలు గొప్పలు చెప్పారని, చేతలు మాత్రం సచివాలయం కూడా దాటలేదని కిషన్ రెడ్డి ఎద్దేవా చేశారు.
