Share this on your social network:
Published:
05-06-2018

ఆ 4 రాష్ట్రాల ప్రజలకు నో ఎంట్రీ: యడియూరప్ప

బెంగళూరు: కరోనా వైరస్‌ వ్యాప్తిని కట్టడిచేసేందుకు ఈ నెలాఖరు వరకు కొన్ని సడలింపులతో లాక్‌డౌన్‌ను కేంద్ర ప్రభుత్వం పొడిగించిన వేళ కర్ణాటక సర్కార్‌ కీలక నిర్ణయం తీసుకుంది. మే 31 వరకు నాలుగు రాష్ట్రాల నుంచి దేశీయ, అంతర్జాతీయ ప్రయాణికులను తమ రాష్ట్రంలోకి అనుమతించబోమని స్పష్టంచేసింది. మహారాష్ట్ర, గుజరాత్‌, తమిళనాడు, కేరళ నుంచి తమ రాష్ట్రానికి ప్రయాణికుల రాకను నిరాకరిస్తామని తెలిపింది. ఇప్పటివరకు కర్ణాటకలో 1231 కేసులు నమోదు కాగా.. సుమారు 30మంది ప్రాణాలు కోల్పోయారు. ఈ నేపథ్యంలో సోమవారం మంత్రులు, ఉన్నతాధికారులతో సీఎం యడియూరప్ప ఉన్నతస్థాయి సమీక్ష నిర్వహించారు. అనంతరం ఆయన మాట్లాడుతూ.. రెడ్‌ జోన్లు, కంటైన్‌మెంట్‌ జోన్లు మినహా మిగతా ప్రాంతాల్లో భౌతిక దూరం నిబంధనలు పాటిస్తూ రైళ్లు, ప్రభుత్వ బస్సుల సర్వీసుల్ని పునరుద్ధరించనున్నట్టు తెలిపారు. బస్సుల్లో 30 మంది  ప్రయాణికులను మాత్రమే అనుమతిస్తామన్నారు. అలాగే, ఓలా, ఉబేర్‌ క్యాబ్‌ సర్వీసులు కూడా రేపట్నుంచి అందుబాటులోకి రానున్నాయన్నారు. రాష్ట్రాల మధ్య బస్సులు నడిపే విషయంలో ఆయా రాష్ట్ర ప్రభుత్వాలే సమన్వయం చేసుకోవాలని కేంద్రం స్పష్టంచేసిన నేపథ్యంలో కర్ణాటక సర్కార్‌ ఈ నిర్ణయం తీసుకోవడం గమనార్హం. 

Related Images



Related News